ЯҢАЛЫКЛАР
22 июнь көнне Минзәлә районының «Умырзая» мөмкинлекләре чикле балалар һәм яшүсмерләр өчен тернәкләндерү үзәгендә хезмәт алучылар өчен «Башта сугыш иде... Җиңү соңыннан килде...» дигән чара үткәрелде.
Һөнәри юнәлеш бирү эшен оештыру кысаларында 21 июнь көнне Яр Чаллы шәһәренең «Асылташ» балалар һәм яшүсмерләр өчен социаль приютында тәрбияләнүчеләр 54 нче янгын саклау бүлегендә булып кайттылар.
Яшь буынга патриотик тәрбия бирү максатыннан 22 июнь көнне Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә тәрбияче Л. В. Жаворонкова танып-белү чарасы үткәрде.
Балигъ булмаганнар арасында кабат хокук бозуларны кисәтү буенча «Үзгәреш җиле» клубы эше кысаларында Түбән Каманың «Веста» гаиләгә һәм балаларга социаль ярдәм үзәге белгече Гөлнара Гыйззәтуллина «Апуш» балалар китапханәсенә экскурсия оештырды. Әлеге чарада закон белән каршылыклары булган дүрт яшүсмер һәм риск төркеме балалары катнашты.
22 июньдә Алексеевск районының «Кайгырту» балалар һәм яшүсмерләр өчен социаль приюты тәрбиячеләре Марина Сагидуллина һәм Венера Халикова Хәтер һәм кайгы көненә багышланган чаралар үткәрделәр. Аларның максаты – балаларда Бөек Ватан сугышы елларында һәлак булганнарга һәм исән калган ветераннарга рәхмәт хисе тәрбияләү.
«Игелекле эшләр» Хәйрия фонды «Үзең эшләп тап» («Заработай сам») дигән яңа проект башлап җибәрде. Бу – яшүсмерләр өчен профессиональ пробалар сервисы, анда тәҗрибәле остазлар белән бергә балалар проектларны тормышка ашырып, моның өчен акча алачак.
21 июнь көнне Яр Чаллы шәһәренең «Изгелек» инвалидларны тернәкләндерү үзәгендә Сабантуй узды, анда мөмкинлекләре чикле 68 кеше катнашты. Чараны «Үз-үземә ышанам» проекты кысаларында «Спорт хәрәкәте» Татарстан Республикасы региональ иҗтимагый инвалидлар оешмасы оештырды.
Бүген Буа өлкәннәр һәм инвалидлар өчен интернат-йортында социаль хезмәтләр алучылар «Хәтер шәме» акциясенә кушылды. Алар Бөек Ватан сугышы вакытында һәлак булганнарга, тыл ветераннарына һәм сугыш чоры балаларына карата хөрмәт күрсәттеләр.
«Яшүсмер» ведомствоара профилактик операциясе кысаларында Теләче районы «Чишмә» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре ведомствоара учетта торучы гаиләләрнең торак урыннарын карап чыктылар. Күчмә чараларның максаты – балигъ булмаганнарның яшәү шартларын тикшерү.
Зәй муниципаль районында «Шатлык» халыкка социаль хезмәт күрсәтү комплекслы үзәгендә хезмәт алучылар наркотикларга каршы республика айлыгы кысаларында тематик чараларда һәм акцияләрдә актив катнашалар.