ЯҢАЛЫКЛАР

Татарстан Республикасы Дәүләт архивы Өлкәннәр көненә багышланган чаралар кысаларында пенсиягә чыккан казанлыларга реставрация таләп итә торган шәхси фотоларын цифрлаштырырга тәкъдим итә. Бушлай бер фотоны цифрлаштырырга була.

Яр Чаллы шәһәрендә «Изгелек» инвалидларны тернәкләндерү үзәге базасында 6 сентябрьдә социаль хезмәтләр алучылар өчен мастер-класс узды. Чара даими физкультура белән шөгыльләнүгә тотрыклы гадәт формалаштыруга, буын авырулары вакытында ясала торган күнегүләр комплексы белән танышуга юнәлдерелгән.

Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору бүлегенең социаль хезмәт алучылары шәһәр ипподромы территориясендә Скандинавия таяклары белән йөрделәр. Моның алдыннан белгечләр сәламәтләндерү гимнастикасын үткәрделәр һәм йөрү техникасын искә төшерделәр.

«Шатлык» халыкка социаль хезмәт күрсәтү комплекслы үзәгендә гаиләгә һәм балаларга социаль ярдәм бүлекчәсендә хезмәтләр алучылар һәм 4 нче урта белем бирү мәктәбе укучылары өчен ведомствоара чара – «Беслан» хәтер сәгате үткәрелде.

Россия Федерациясендә Мәгариф турындагы закон белән танышу максатыннан Түбән Кама районындагы «Балкыш» социаль приютында, «Яшь патриот» социаль технологиясе буенча эш кысаларында, «Минем хезмәтем республикам хезмәтенә кушыла» дигән мәгълүмати сәгать узды.

Чистайның «Юлдаш» өлкәннәр һәм инвалидлар өчен интернат-йортында яшь инвалидлар хезмәт буенча инструктор Ирина Баранова белән берлектә «Террорсыз Россия» коллажын ясадылар. Чара «Экстремизмга – юк!» ункөнлеге кысаларында оештырылды.

Шушы көннәрдә Алексеевск муниципаль районының «Кайгырту» балалар һәм яшүсмерләр өчен социаль приютында хезмәт буенча инструктор Ольга Давыдова «Пәрәвез» түгәрәгенең кереш дәресен үткәрде. Рус чигүе тарихы турында сөйләштеләр.

8 сентябрьдә 4 нче социаль участокта, Коркачык урта мәктәбе базасында, Биектау районының «Өмет» халыкка социаль хезмәт күрсәтү комплекслы үзәгенең социаль эш буенча белгече «Экстремизм һәм террорчылык – хәзерге дөньяның төп куркынычлары» дигән профилактик дәрес үткәрде. Чарада 11 балигъ булмаган бала катнашты.

Муниципаль районнар һәм шәһәр округлары эш бирүчеләренә https://prognoz.vcot.info платформасында теркәлергә һәм 2023 елның 15 сентябренә кадәр сораштыру узарга кирәк.

«Экстремизмга – юк!» декадасы кысаларында 8 сентябрьдә Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре башкарма комитетның хокук эше бүлегенең әйдәп баручы белгече Светлана Романова белән берлектә 3 нче мәктәптә «Террорчылык акты турында ялган хәбәр» дигән темага әңгәмә үткәрделәр.