ЯҢАЛЫКЛАР
Россия Федерациясендә хезмәт базарын үстерү мәсьәләсе буенча Россия Федерациясе Дәүләт Советы Президиумы утырышына, Россия Федерациясе Хөкүмәте Рәисенең миграция һәм мәгарифне үстерү мәсьәләләре буенча стратегик сессияләренә, шулай ук 2026 һәм 2029 елларга перспективада эш бирүчеләрнең Россия Федерациясе субъектлары, шөгыльләр төркемнәре һәм икътисади эшчәнлек төрләре буенча һөнәри кадрларга ихтыяҗын билгеләү максатларында Россия Федерациясе Хезмәт һәм социаль яклау министрлыгы эш бирүчеләр арасында сораштыру үткәрә.
Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр инвалидлар һәм мөмкинлекләре чикле кешеләр өчен «Хезмәткә һәм оборонага әзер» бөтенроссия физкультура-спорт комплексын сынау нормативларын үтәделәр.
«Экстремизмга – юк!» ункөнлеге кысаларында Алабуганың өлкәннәр һәм инвалидлар өчен интернат-йортында террорчылык акты куркынычы янаганда яшәүчеләрне һәм персоналны учреждениедән эвакуацияләү буенча укыту өйрәнүләре узды.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
«Экстремизмга – юк!» ункөнлеге кысаларында Мамадыш районы «Кайгырту» халыкка социаль хезмәт күрсәтү комплекслы үзәгенең социаль-тернәкләндерү бүлеге хезмәткәрләре һәм социаль хезмәт алучылар белән инструктаж үткәрелде. Чарада ведомстводан тыш сак бүлеге хезмәткәрләре катнашты.
«Экстремизмга – юк!» ункөнлеге кысаларында Яр Чаллы шәһәрендәге «Изгелек» инвалидларны тернәкләндерү үзәгендә «Спорт экстремизмга һәм террорчылыкка каршы» спорт-сәламәтләндерү чарасы узды. Анда көндезге тору бүлегенең социаль хезмәтләр алучылары катнашты.
21 августтан 8 сентябрьгә кадәр Министрлыкның Республика ресурс үзәгендә халыкны эш белән тәэмин итү үзәкләре җитәкчеләре өчен «Персонал белән идарә итү» программасы буенча квалификация күтәрү курслары узды. Программаның актуальлеге тыңлаучыларда заманча оешма белән нәтиҗәле җитәкчелек итү максатыннан кадрлар менеджменты өлкәсендә белем системасын камилләштерү кирәклеге белән бәйле.
Сәламәтлек үзенчәлекләре булган яшьләрне эшмәкәрлеккә һәм социаль проектлауга өйрәтү буенча «Чикләрсез яшьләр» сәламәтлек мөмкинлекләре чикләнгән яшьләр проектлары акселераторы» проектында катнашырга чакыралар.
7 сентябрьдә Зәй районының «Шатлык» халыкка социаль хезмәт күрсәтү комплекслы үзәге базасында гаиләгә һәм балаларга социаль ярдәм бүлеге белгечләре тарафыннан «Террорчылык – хәзерге заманның глобаль проблемасы» дигән чара уздырыллы. Ул балалар һәм яшүсмерләрдә террорчылыкка каршы аң формалаштыруга юнәлдерелгән.
Алексеевск районының «Кайгырту» балалар һәм яшүсмерләр өчен социаль приюты тәрбиячесе Наилә Дәүләтшина тәрбияләнүчеләр белән «Ишегалдында халык уеннары» дигән күңел ачу чарасы үткәрде. Чараның максатлары – балаларның саф һавада ял итүен оештыру, сәламәт яшәү рәвешенә ияләштерү, шулай ук төбәк халыклары мәдәнияте белән танышу.