ЯҢАЛЫКЛАР

«Актив озак гомерлелек» проектын гамәлгә ашыру кысаларында Лениногорск районындагы «Исток-Башлангыч» халыкка социаль хезмәт күрсәтү комплекслы үзәге базасында инде өч елдан артык «Театр остаханәсе» проекты уңышлы тормышка ашырыла.

Чираттагы дәрестә Югары Ослан районының «Өмет утравы» халыкка социаль хезмәт күрсәтү комплекслы үзәгендәге көндезге тору төркемендә катнашучылар «Монополия» өстәл уены уйнадылар.

Әлмәт муниципаль районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсенең хезмәт тернәкләндерү кабинетында электр тегү машинкасында кулъяулык тегү буенча чара узды. Дәрестә социаль хезмәт алучылар катнашты.

Өлкән яшьтәге гражданнарның гомер озынлыгын арттыруга һәм аларның тормыш сыйфатын яхшыртуга юнәлдерелгән «Демография» милли проектының «Өлкән буын» федераль проектын гамәлгә ашыру кысаларында Арча районының «Шәфкать үзәге» халыкка социаль хезмәт күрсәтү комплекслы үзәгендә социаль хезмәт алучылар белән эшләүдә гражданнарның физик һәм психологик сәламәтлеген саклауга ярдәм итә торган төрле технологияләр кулланыла.

«Тәтеш балкышы» халыкка социаль хезмәт күрсәтү комплекслы үзәге белгечләре балигъ булмаган социаль хезмәт алучылар өчен «Барс» спорт-сәламәтләндерү комплексына һөнәри юнәлеш бирү экскурсиясен оештырдылар.

Спорт-сәламәтләндерү тәрбиясе буенча дәресләр кысаларында Алексеевск районындагы балалар һәм яшүсмерләр өчен «Кайгырту» социаль приютында саф һавада спорт күңел ачу чарасы узды. «Өлгер балалар» чарасы балаларны сәламәт яшәү рәвешенә тартуга, физкультура һәм спорт белән кызыксынуны арттыруга юнәлдерелгән.

Алабуганың өлкәннәр һәм инвалидлар өчен интернат-йортында Җиңү аллеясы утыртылды. Инициатива Алабуга шәһәр прокуратурасыныкы, аның хезмәткәрләре интернат-йортта яшәүчеләр белән берлектә учреждение территориясендә Бөек Ватан сугышында Җиңүнең 80 еллыгы уңаеннан 80 агачтан торган аллея утырттылар.

Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгенең көндезге тору төркемендә тәрбияләнүчеләр «Минем яраткан әбием һәм бабам» иҗади конкурсында катнаштылар. Бөтенроссия конкурсы Халыкара өлкәннәр көненә багышланган.

Халыкара өлкәннәр көне кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәгенең өй бүлеге белгечләре гадәттәгечә «Яхшылыкка һәрвакыт урын бар» девизы астында чаралар үткәрделәр.

Министрлык карамагындагы учреждениеләр җитәкчеләренә һәм белгечләренә кирәкле коррупцион һәм башка хокук бозуларны профилактикалау өлкәсендә компетенцияләрне камилләштерү максатында июльдән сентябрьгә кадәр «Коррупцияне профилактикалау нигезләре» программасы буенча квалификация күтәрү курслары узды. Квалификация күтәрүнең өстәмә һөнәри программасы Россия Федерациясенең коррупциягә каршы тору өлкәсендәге норматив хокукый актлары нигезендә эшләнгән.