Лениногорск районының социаль хезмәт күрсәтү үзәгендә зирәклек бәйрәмен билгеләп үттеләр
Халыкара өлкәннәр көне кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәгенең өй бүлеге белгечләре гадәттәгечә «Яхшылыкка һәрвакыт урын бар» девизы астында чаралар үткәрделәр.
Волонтерлар белән берлектә социаль хезмәткәрләр адреслы социаль ярдәм күрсәттеләр. Чара кысаларында өлкән яшьтәге гражданнар бушлай социаль-көнкүреш хезмәтләре алдылар, алар арасында бакча эшләре, тәрәзәләрне юу, фатирларны һәм йортларны, йорт яны территорияләрен җыештыру. Аз хәрәкәтләнүче социаль хезмәт алучыларны өйләрендә котладылар.
Шулай ук социаль хезмәтләр алучыларны көзге «Игелек кәрзине» хәйрия марафоны сөендерә. Ул өлкәннәргә яшелчәләр китерүне күздә тота.
.jpg)
Актив кешеләр өчен саф һавада чара оештырылды. Социаль хезмәткәрләр сабын ясау буенча мастер-класс, физкультура минуты үткәрделәр, шашка уены оештырдылар.