ЯҢАЛЫКЛАР
19 февральдә Татарстан Республикасы Балык Бистәсе муниципаль районы Советының 51 нче утырышы узды. Чарада ТР Дәүләт Советы рәисе урынбасары Юрий Камалтынов, ТР Хезмәт, халыкны эш белән тәэмин итү һәм социаль яклау министры Эльмира Зарипова, ТР Дәүләт Советы депутаты Михаил Сыровацкий катнаштылар.
Россиядә Хәтер һәм дан елы кысаларында һәм Ватанны саклаучылар көнен бәйрәм итү уңаеннан Түбән Каманың «Веста» гаиләгә һәм балаларга социаль ярдәм үзәгенең хезмәт буенча инструкторы «Әтигә бүләк» дигән дәрес үткәрде. Әлеге чарада социаль хезмәт алучы сигез бала катнашты.
Минзәлә халыкка социаль хезмәт күрсәтү комплекслы үзәгендә Балачак унъеллыгы кысаларында «Минем гаиләм даирәсендә» клубы эшли. Анда социаль хезмәт алучы ата-аналар өчен дәресләр уза.
Яр Чаллының «Асылташ» балалар һәм яшүсмерләр өчен социаль приюты эшенең мөһим юнәлешләренең берсе булып үсеп килүче буынга патриотик тәрбия бирү тора.
Яшел Үзәннең «Ышаныч» балалар һәм яшүсмерләр өчен тернәкләндерү үзәге карамагындагы балалар һөнәри юнәлеш бирүче уенда катнашты.
17 февральдә Яр Чаллының «Асылташ» балалар һәм яшүсмерләр өчен социаль приютында «Гаилә һәм бала» дигән чара узды. Аны Тукай районы «Шәфкать» комплекслы үзәгенең гаиләгә һәм балаларга социаль ярдәм бүлеге белгече Алия Фәрхетдинова һәм психолог Ләйсән Насыйрова үткәрделәр.
Балаларның кышкы спорт төрләре турында күзаллауларын киңәйтү һәм сәламәт яшәү рәвешенә гадәт формалаштыру максатыннан Түбән Каманың «Балкыш» балалар һәм яшүсмерләр өчен социаль приютында тәрбияләнүче малайларның өлкән төркеме Россиядә кышкы спорт төрләре көнен бәйрәм итүгә кушылды.
Түбән Кама муниципаль районында «Демография» милли проекты кысаларында инвалидларны һәм өлкән яшьтәге кешеләрне озак вакыт карау системасын гамәлгә кертү 2019 елда башланды. Әлеге программаны үтәү «Шәфкать» халыкка социаль хезмәт күрсәтү комплекслы үзәгенә беркетелгән.
18 февраль көнне Әгерҗе муниципаль районының «Наз» балалар һәм яшүсмерләр өчен социаль приютында тәрбияләнүчеләр хезмәт буенча инструктор җитәкчелегендә «Күпмилләтле Татарстан» иҗади проектын башкардылар.
2020 елның 19 февраленә республиканың мәшгульлек үзәкләрендә рәсми рәвештә теркәлгән 12 093 эшсез граждан исәпләнә, бу узган хисап датасына караганда 283 кешегә күбрәк. Татарстанда эшсезлек дәрәҗәсе эшче көчләр саныннан 0,59 % тәшкил итә.