Минзәлә комплекслы үзәгендә «Минем гаиләм даирәсендә» клубы эшли
Минзәлә халыкка социаль хезмәт күрсәтү комплекслы үзәгендә Балачак унъеллыгы кысаларында «Минем гаиләм даирәсендә» клубы эшли. Анда социаль хезмәт алучы ата-аналар өчен дәресләр уза.
Шушы көннәрдә учреждениедә «Таныш булыйк» дигән темага дәрес узды. Ул үз балалары белән аралашуда кайбер кыенлыклар кичергән ата-аналарны берләштерде.
Очрашу традицион сәламләү белән башланып китте: «Пәрәвез» күнегүе ярдәмендә әти-әниләр бераз үзләре турында сөйләделәр. Соңыннан клубта катнашучылар «Гаилә тәрбиясе стратегиясе» тестын үтәделәр, аның нәтиҗәләре буенча һәр гаиләдә тәрбия стильләре турында фикер алыштылар. «Мин – ата-ана» уены катнашучыларны «җаваплы ата-аналык» төшенчәсенең өлешләре һәм эчтәлеге турында уйланырга мәҗбүр итте.
Соңыннан барлык ата-аналарга «Абруйны ничек сакларга» дигән белешмәлек таратылды. Гаилә белән эшләү буенча белгеч Наталия Кудряшова әти-әниләргә гаиләдә тәртип, тынычлык һәм иминлек өлкәннәргә бәйле булуын аңларга ярдәм итте.