ЯҢАЛЫКЛАР
Балигъ булмаганнар арасында хокук бозуларны кисәтү, эчке эшләр органнарында хезмәтне популярлаштыру максатыннан полиция хезмәткәрләре Бөгелмә районының «Ялкын» балалар һәм яшүсмерләр өчен социаль приютында тәрбияләнүчеләр белән профилактик әңгәмәләр үткәрделәр.
4 март көнне Зәй шәһәрендә предприятие, оешмалар, учреждениеләр һәм шәхси эшмәкәрләр өчен «Эш бирүче һәм аларның бурычлары» темасына семинар-киңәшмә уздырылды. Семинарда шәһәр һәм район оешмалары җитәкчеләре һәм кадрлар хезмәте белгечләре катнашты.
Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә дидактик уеннар ярдәмендә сенсор күнекмәләрен үстерүгә зур игътибар бирелә.
Менделеевск районы «Өмет яры» халыкка социаль хезмәт күрсәтү комплекслы үзәге «Өлкән буын» федераль проектын тормышка ашыру максатыннан авыл җирлегендә яшәүче 65 яшьтән өлкәнрәк затларны медицина оешмаларына китерү эшен дәвам итә.
ТАССР төзелүнең 100 еллыгын бәйрәм итү чараларын тормышка ашыру кысаларында Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге карамагындагы балалар «Әлифа» музеенда булдылар. Ул . Тукай исемендәге Арча педагогика көллиятендә урнашкан.
Кичә «Иҗат шатлыгы» түгәрәге дәресендә Югары Осланның өлкәннәр һәм инвалидлар өчен интернат-йортында социаль хезмәт алучы ир-атлар бәйрәмгә бүләкләр әзерли башлады.
Россиядә игълан ителгән Балачак унъеллыгы кысаларында Лениногорск районында менталь тайпылышлары булган 5 яшьтән алып 12 яшькә кадәрге балалар өчен кыска вакыт тору төркеменең тантаналы ачылышы булды. Төркем «Балаларда көч» тернәкләндерү үзәге базасында эшли.
3 мартта Татарстанда ата-аналары алимент түләүдән баш тарткан балигъ булмаган балалы гаиләләргә хокукый ярдәм күрсәтү мәсьәләләре буенча чираттагы бердәм кабул итү көннәре узды.
«Демография» илкүләм проектының «Өлкән буын» федераль проекты кысаларында Минзәлә районы халыкны эш белән тәэмин итү үзәге 50 яшь һәм аннан да өлкәнрәк гражданнарны, шулай ук пенсия алды яшендәгеләрне яңадан һөнәри әзерләүгә юнәлдерде.
Сарман муниципаль районының «Шәфкать» халыкка социаль хезмәт күрсәтү комплекслы үзәгендә даими рәвештә гражданнарны кабул итү үткәрелә.