ЯҢАЛЫКЛАР
Бөгелмә районының «Салават күпере» халыкка социаль хезмәт күрсәтү комплекслы үзәге психологы Галина Артеполихина балигъ булмаганнар белән төркемле дәрес үткәрде. Чара эмоциональ сфераны, хәтерне, ассоциатив фикерләүне үстерүгә юнәлдерелгән иде.
«Сугыш хатын-кыз йөзле түгел...» дигән республика социаль-гуманитар проекты кысаларында Вахитов районында Казанның халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече «Үткәннәрнең битләреннән» дигән төркемле дәрес үткәрде. Чара ветеран хатын-кызларга багышланган иде, һәм анда социаль хезмәтләр алучы балигъ булмаган балалар катнашты.
2021 елның 3 мартына республиканың мәшгульлек үзәкләрендә рәсми рәвештә теркәлгән 30 049 эшсез граждан исәпләнә, бу узган хисап датасына караганда 1 179 кешегә кимрәк. Татарстанда эшсезлек дәрәҗәсе эшче көчләр саныннан 1,48 % тәшкил итә.
Соңгы мәгълүматларга караганда, Яр Чаллыда рәсми рәвештә теркәлгән 3 030 эшсез граждан исәпләнә, бу узган хисап датасына караганда 107 кешегә кимрәк.
3 нче март көнне Бөгелмә районы «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә Бөтендөнья кычкырып уку көненә багышланган шигъри флешмоб узды. Теләгән һәркем үз талантларын күрсәтә алды. Балалар һәм өлкәннәр үзләренең яраткан авторларының шигырьләрен укыдылар.
Куркынычсыз үз-үзеңне тоту күнекмәләрен формалаштыру буенча профилактик эш кысаларында Казанның Вахитов һәм Идел буе районнары буенча гаиләгә һәм балаларга социаль ярдәм бүлекчәсе белгечләре балигъ булмаганнар өчен дәрес үткәрделәр. Чара ЮХИДИ инспекторлары белән берлектә үткәрелде.
Бөгелмә районында Халыкара хатын-кызлар көне алдыннан «Салават күпере» халыкка социаль хезмәт күрсәтү комплекслы үзәге кәгазь пластикасы буенча мастер-класс үткәрде. Чара катнашучыларның иҗади сәләтләрен үстерүгә һәм эмоциональ киеренкелекне бетерүгә юнәлдерелгән иде.
Шушы көннәрдә Ютазы районы «Гармония» халыкка социаль хезмәт күрсәтү комплекслы үзәгендә «Туган тел һәркайсыбыз өчен кадерле» дигән темага дәрес узды. Әлеге чара балигъ булмаганнарда иҗтимагый күренеш буларак телгә карата кызыксыну уяту, туган телгә карата хөрмәт тәрбияләү максатыннан үткәрелде.
2 нче март көнне Түбән Каманың «Веста» гаиләгә һәм балаларга социаль ярдәм үзәге социаль педагогы Эльза Сәмигуллина «Әни+сабый» клубы дәресе үткәрде. Чараның максаты балаларны өй кошлары белән таныштыру иде.
Бүген Казан шәһәренең «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә 2022 елгы Махсус Олимпиаданың Бөтендөнья кышкы уеннарына әзерлек кысаларында «Спорт экспрессы» чарасы узды.