ЯҢАЛЫКЛАР
25 май көнне инвалидларны социальләштерү буенча «Син барын да булдырасың!» программасы кысаларында Минзәлә районы халыкка социаль хезмәт күрсәтү комплекслы үзәге белгечләре социаль хезмәт алучылар өчен пикник оештырдылар. Чараны үткәрүдә шулай ук волонтерлар да катнашты.
25 майда Казанда Халыкара компетенцияләр үзәге – Казан мәгълүмати технологияләр һәм элемтә техникумы базасында «График дизайн» программасы буенча бушлай курслар ачылды. Яңа һөнәрне бала карау буенча отпускта булган әниләр, шулай ук эшсезләр үзләштерә.
21 май көнне Баулы шәһәренең «Каенкай» инвалидларны тернәкләндерү үзәгенең социаль хезмәт алучылары язучы Рафаэль Мостафинның тууына 90 ел тулуга багышланган искә алу кичәсендә булдылар.
25 май көнне Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Без төрле – бу безнең байлыгыбыз, без бергә – бу безнең көчебез!» дигән дәрес узды.
Авыр тормыш хәлендә булган балаларга ярдәм итү фонды «Мәскәү шәһәренең күп балалы гаиләләре берләшмәсе» РИО белән берлектә «Күп балалы Россия» Бөтенроссия проектын тормышка ашыра. Проект кысаларында 2021 елда күп балалы гаиләләр бөтенроссия фестивальләре узачак.
24 нче май көнне Зәй шәһәренең халыкны эш белән тәэмин итү үзәге юлламасы буенча сигез эшсез граждан һөнәри белем алуга кереште.
29 нчы май көнне Казанның халыкны эш белән тәэмин итү хезмәте вакантлы эш урыннары ярминкәсе үткәрәчәк. Чаралар 11.00дән 15.00 сәгатькә кадәр «Крылья Советов» паркында һәм Горький исемендәге паркта узачак.
21 май көнне республиканың Чистай районында «Юлдаш» өлкәннәр һәм инвалидлар өчен интернат-йорт карамагындагы Геннадий һәм Надежданың никахларын теркәү тантанасы узды.
Бүген Буа районы өлкәннәр һәм инвалидлар өчен интернат-йортында социаль хезмәт алучылар өчен гипертония авыруын профилактикалау турында лекция оештырылды.
Балигъ булмаганнарны эшкә урнаштыру буенча чараларның үтәлешен тәэмин итү кысаларында 21 майда Казан шәһәре Мәскәү районында социаль куркыныч хәлдә булган балигъ булмаганнар өчен төркемле дәрес уздырылды. Чара балаларның һөнәри осталыкларын ачыклауга һәм һөнәри үзбилгеләнештә ярдәм күрсәтүгә юнәлдерелгән иде.