ЯҢАЛЫКЛАР
Россиядә Фән һәм технологияләр елы кысаларында 8 ноябрь көнне Бөгелмә районы «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Электроник янында кунакта» дигән танып-белү дәресе үткәрелде. Чарада 15 хезмәт алучы катнашты.
Мөслим өлкәннәр һәм инвалидлар өчен интернат-йортында 8 ноябрь көнне сәламәт яшәү рәвешен формалаштыруга юнәлдерелгән чираттагы дәрес үткәрелде. Мондый эш учреждение хезмәткәрләре тарафыннан өлкән яшьтәге гражданнарны һәм инвалидларны озак вакыт карау системасы кысаларында даими алып барыла.
Сәламәтлекләре буенча мөмкинлекләре чикләнгән кешеләргә карата толерантлык, хөрмәт һәм сизгерлек тәрбияләү максатыннан 7 ноябрьдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Якупова «Сак булыгыз, ак кул таягы» дигән дәрес үткәрде. Чарада мәктәп яшендәге 13 бала катнашты.
Минзәлә өлкәннәр һәм инвалидлар өчен интернат-йортында кызыклы дәрес узды. Юрисконсульт Любовь Наумова полиэтилен пакетлардан келәмнәр үрү буенча мастер-класс үткәрде.
Пет-терапия, яки анималотерапия – психотерапевтик ярдәм күрсәтү өчен хайваннар һәм аларның образларын куллануны күздә тотучы терапия төре. Минзәлә картлар һәм инвалидлар өчен интернат-йорты территориясендә песиләр яши. Алар социаль хезмәтләр алучыларның игътибарын һәм мәхәббәтен тоеп яшиләр.
Шушы көннәрдә Лениногорск муниципаль районында «Исток-Башлангыч» халыкка социаль хезмәт күрсәтү комплекслы үзәге белгече Анна Закирова «Бергә бердәм» дигән акция үткәрде. Чараның максаты – гражданнарның игътибарын яңа коронавирус йогышын профилактикалау чараларын үтәү кирәклегенә җәлеп итү.
Татарстан Республикасында Туган телләр һәм халыклар бердәмлеге елы кысаларында Минзәлә өлкәннәр һәм инвалидлар өчен интернат-йортында «Татарстан Республикасы Конституциясе турында син нәрсә белергә тиеш» дигән сораулар һәм җаваплар сәгате узды. Чараны юрисконсульт Любовь Наумова үткәрде.
6 ноябрьдә Алексеевск районының «Кайгырту» балалар һәм яшүсмерләр өчен социаль приют тәрбиячесе Марина Сәгыйдуллина мәктәп яшендәге балалар белән «Минем Татарстан» дигән патриотик сәгать үткәрде.
Халыклар бердәмлеге көне уңаеннан Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре балалар рәсемнәре онлайн-конкурсы үткәрделәр. Чараның максаты балаларның төрле милләт һәм мәдәният вәкилләренә карата толерант мөнәсәбәтен формалаштыру иде.
Халыклар бердәмлеге көне уңаеннан картлар һәм инвалидлар өчен интернат-йортларында тематик чаралар үткәрелде.