ЯҢАЛЫКЛАР

Бу көннәрдә Сочида Бөтенроссия хезмәтне саклау атналыгы уза. 26 сентябрьдә чара кысаларында XII Бөтенроссия социаль хезмәт күрсәтү өлкәсендә һөнәри осталык конкурсы җиңүчеләрен бүләкләү тантанасы узды. Җиңүчеләрне Россиянең Хезмәт һәм социаль яклау министры Антон Котяков котлады.

Зәй районы «Шатлык» халыкка социаль хезмәт күрсәтү комплекслы үзәгендә Бөтендөнья Альцгеймер авыруы турында хәбәрдарлык ае кысаларында деменция турында мәгълүмати листовкалар, буклетлар һәм брошюралар эшләнде һәм таратылды, мәгълүмати стенд ясалды, социаль челтәрләрдәге учреждение битләрендә видеороликлар урнаштырыла.

Халыкара өлкәннәр көненә багышланган «Җылы йорт» хәйрия акциясе кысаларында Теләче районының «Чишмә» халыкка социаль хезмәт күрсәтү комплекслы үзәге социаль хезмәт күрсәтүдә булган тыл хезмәтчәненә көзге-кышкы чорга әзерләнүдә ярдәм итте.

«Өлкән буын» федераль проекты кысаларында гамәлгә ашырыла торган «Актив озын гомерлелек» программасы кысаларында Буа районының «Гармония» халыкка социаль хезмәт күрсәтү комплекслы үзәгендә өлкән яшьтәге гражданнарда деменцияне ачыклауга һәм профилактикалауга юнәлдерелгән программа гамәлгә ашырыла.

Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәге базасында джут җепләреннән язу кирәк-яраклары өчен савыт ясау буенча мастер-класс үткәрделәр.

Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә «Тылсымчы көз эзләре буенча» проекты старт алды. Учреждение белгечләре табигатьтә дәресләр циклын дәвам итәләр, алар балаларга күзәтүчәнлек һәм кызыксынучанлык үстерергә ярдәм итә, табигатьтә матурлыкны күрергә һәм барлык тереклеккә сакчыл карарга өйрәтә.

Әлмәт муниципаль районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлегендә, хезмәт белән тернәкләндерү кабинетында, чираттагы практик чара узды.

Татарстан Республикасында Милли мәдәниятләр һәм гореф-гадәтләр елы кысаларында Лениногорск районының «Исток–Башлангыч» халыкка социаль хезмәт күрсәтү комплекслы үзәге социаль хезмәткәрләре, «Шурӑ хурӑн» («Ак каен») ансамбле һәм «көмеш» волонтерлар социаль хезмәтләр алучының өенә килеп киттеләр.

Минзәлә районындагы халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге белгечләре деменцияне кисәтү айлыгы кысаларында берничә чара оештырдылар һәм үткәрделәр.

25 сентябрьдә Республика сукырларны һәм начар күрүчеләрне социаль тернәкләндерү үзәгендә көнчыгыш мәдәнияте көне узды. Чарага Казан (Идел буе) федераль университетының Халыкара мөнәсәбәтләр институты өлкән укытучысы Елена Нестеренко чакырылган иде.