Теләче районында яшәүче өлкән яшьтәге кешегә утын әзерләүдә ярдәм иттеләр

2023 елның 27 сентябре, чәршәмбе

Халыкара өлкәннәр көненә багышланган «Җылы йорт» хәйрия акциясе кысаларында Теләче районының «Чишмә» халыкка социаль хезмәт күрсәтү комплекслы үзәге социаль хезмәт күрсәтүдә булган тыл хезмәтчәненә көзге-кышкы чорга әзерләнүдә ярдәм итте. Кыска вакыт эчендә үзәк тарафыннан өлкән яшьтәге кешегә утын сатып алу һәм китерү оештырылды.

Өйдәге социаль хезмәт күрсәтү бүлеге хезмәткәрләре волонтерлар белән бергә утынны барларга һәм тутырырга ярдәм иттеләр. Социаль хезмәтләр алучы күрсәтелгән ярдәмгә бик рәхмәтле иде.