«Гармония» социаль хезмәт күрсәтү үзәге өлкәннәрдә деменцияне профилактикалау белән шөгыльләнә
«Өлкән буын» федераль проекты кысаларында гамәлгә ашырыла торган «Актив озын гомерлелек» программасы кысаларында Буа районының «Гармония» халыкка социаль хезмәт күрсәтү комплекслы үзәгендә өлкән яшьтәге гражданнарда деменцияне ачыклауга һәм профилактикалауга юнәлдерелгән программа гамәлгә ашырыла. Өйдә социаль хезмәт күрсәтү бүлеге белгече су-джок массаж тубын кулланып сәламәтләндерү дәресләре үткәрә. Массажер куллану бармакларның вак моторикасына уңай йогынты ясый һәм өлкән яшьтәге кешеләрнең деменциясен профилактикалау булып тора.
Деменцияне профилактикалау айлыгы кысаларында учреждениедә мәгълүмати брошюралар һәм буклетлар тарату оештырылды, мәгълүмати стенд ясалды, социаль хезмәткәрләр һәм деменция белән интегүче гражданнарның туганнары өчен дәресләр үткәрелде.