ЯҢАЛЫКЛАР

Бүген Азнакай халыкны эш белән тәэмин итү үзәге белгечләре һәм мәгариф идарәсе тарафыннан шәһәрнең чыгарылыш сыйныф укучылары өчен  һөнәри юнәлеш бирүче чара уздырылган. Азнакай шәһәре һәм Актүбә бистәсе укучылары бу көнне "Нефтемаш Азнакай заводы" ААҖ, Ветеринар берләшмә, Актүбә төзелеш-монтаж идарәсе, "Мәктәп туклану комбинаты", "Азнакай сөте" кебек предприятиеләрдә экскурсиядә булганнар.

Бүген Идел буе халыкны эш белән тәэмин итү комплекслы үзәгендә вакантлы эш урыннары кече ярминкәсе үткәрелгән.

Шушы көннәрдә Азнакай халыкны эш белән тәэмин итү үзәге белгечләре "1 сентябрь" дигән газета һәм "Икътисад югары мәктәбе" белгечләре белән очрашканнар. Чара Азнакайның 4 нче шәһәр көллиятендә узган.

Шушы көннәрдә Архангельск өлкәсендә  IV  аталар форумы булып узган. Биредә Татарстан Республикасыннан вәкил буларак  "Аталар союзы"ның Балтач бүлеге җитәкчесе урынбасары Рафис Хәкимов катнашкан.  Ул форумда  "Балтач районы "Аталар союзы" иҗтимагый оешмасы эшчәнлеге" дигән темага  чыгыш ясаган.

 “Казан” халыкара аэропортында “Боинг 737-500” самолеты һәлакәте нәтиҗәсендә һәлак булучыларның гаиләләренә 1млн. сум күләмендә матди ярдәм биреләчәк. Акча Татарстан Республикасы Министрлар Кабинетының резерв фондыннан түләнә.
Министрлар Кабинетының 2308 нче карарын Татарстан Республикасы Премьер-министры Илдар Халиков имзалаган.

17 ноябрьдә  "Боинг" самолеты авиаһәлакәте нәтиҗәсендә һәлак булганнарның туганнарына ярдәм итәр өчен Татарстанда  махсус счет ачылды, дип хәбәр итә ТР Президенты матбугат хезмәте үзәге. Ярдәм итәргә теләге булган һәркем "Ак Барс Созидание" хәйрия фондының исәп-хисап счётына акча күчерә ала. Адресы: Казан шәһәре, Меридианная урамы, 1а йорт.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 7 нче ноябрьдән 15 нче ноябрьгә чаклы 1 авыр, 1 төркемле һәм 3 авыр  бәхетсезлек очрагы теркәлгән.

Яр Чаллының "Ышаныч" халыкны социаль тәэмин итү комплекслы үзәгенең "Әни булам" дип исемләнгән  проекты "Ритэк" республика социаль проектлар конкурсында  җиңүче дип табылган. Әлеге проектны тормышка ашыру өчен үзәк 83636 сум акча откан.

10 нчы ноябрьдән 12сенә чаклы Мәскәүдә "Русиядә ирекле ярдәм үсеше стратегиясе" дип исемләнгән   волонтерлык буенча гомумрусия конференциясе узган. 

Бүген Республика  "Гаилә" гаиләгә һәм балаларга социаль ярдәм мәгълүмати-методик үзәге тарафыннан  "Иң гүзәл Әниләргә" дип исемләнгән бәйрәм чарасы үткән. Чара  Казан шәһәренең 1 нче номерлы балалар хастаханәсендә якынлашып килүче Халыкара Әниләр көне кысаларында уздырылган.