Республика предприятиеләрендә 6 хезмәткәр зыян күргән

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 7 нче ноябрьдән 15 нче ноябрьгә чаклы 1 авыр, 1 төркемле һәм 3 авыр  бәхетсезлек очрагы теркәлгән.
Үлем белән тәмамланган очрак 12се көнне Алабуга "Стройинвест" ҖЧҖдә булган. Иртән кран кабинасында 59 яшьлек машинистның үле гәүдәсе табылган.
Беренче авыр бәхетсезлек очрагы исә 7 ноябрьдә теркәлгән. 6 нчы номерлы уку бинасының түбәсендә су агу урынын төзекләндергән чакта Туполев исемендәге Казан милли тикшеренү техник университеты слесарь-сантехнигының күзенә зыян килә.
Шушы ук көнне  Казанның "Свиягадорстрой" предприятиясендә икенче авыр бәхетсезлек очрагы булган.  Йөк төяүче механизмнар белән төяү эшләрен башкарганда көчле җил аркасында юл хезмәткәре аркасына аркан китереп суга.
8 ноябрьдә күперле кран белән тимер төягән чакта тимер тутырылган бадья  «Камэнергостройпром» Түбән Кама предприятиесенең слесарен кузовның арткы бортына китереп кыса. Нәтиҗәдә, эшченең  күкрәк өлеше җәрәхәтләнә.
14 ноябрьдә исә Әлмәт районы балалар һәм яшьләр эшләре буенча идарәдә төркемле бәхетсезлек очрагы теркәлгән. Юл-транспорт һәлакәте нәтиҗәсендә 56 яшьлек машина йөртүче һәм 27 яшьлек "Ротор" яшүсмерләр клубы җитәкчесе зыян күргәннәр.