ЯҢАЛЫКЛАР

Бөгелмә халыкны  эш белән тәэмин итү үзәге чыгарылыш сыйныф укучылары өчен шәһәр предприятиеләренә экскурсияләр оештыруын дәвам итә.  Кичә 1 нче мәктәпнең өлкән сыйныф укучылары "Бөгелмә электр насослары заводы" ААҖдә булып кайтканнар.

Бөгелмә муниципаль районы башкарма комитетында  инвалидларны һәм иректән мәхрүм итү урыннарыннан чыккан кешеләрне эшкә урнаштыру  буенча киңәшмә булып узган. Чара  башкарма комитет рәисе А.Латыпов җитәкчелегендә үткән.

Бүген Кукмараның "Тылсым" халыкны социаль тәэмин итү комлпеклсы үзәгенең гаиләгә һәм балаларга социаль ярдәм үзәге белгечләре бөек татар язучысы Әмирхан Еникинең 105 еллыгына багышлап иҗади кичә үткәргәннәр.

Чистайның "Салават купере" гаиләгә һәм балаларга социаль ярдәм үзәгендә "Сайлау синнән" дип исемләнгән күмәк уен уздырылган. Әлеге чара балигъ булмаганнар арасында социаль тискәре күренешләрне кисәтүгә юнәлдерелгән.

Бу елны 21 мартта "Һәр балада кояш яши" дип исемләнгән акция үткәреләчәк.  Чара "Әкият"  Казан курчак театрында узачак.

Буа районында сугыш ветераннарын өйгә килеп карау  һәм аларның социаль паспортларын ясау эше дәвам итә.  Бу эш  Татарстан Республикасында 1941-1945 нче еллар Бөек Ватан сугышында Җиңүнең 70 еллыгын бәйрәм итүгә әзерлек  комитеты утырышы протоколы кысаларында башкарыла.

Бөгелмә  халыкны эш белән тәэмин итү үзәге чыгарылыш сыйныф укучыларына һөнәри юнәлеш бирү  максатыннан  шәһәр предприятиеләренә экскурсияләр оештыруны дәвам итә.  Бүген 1 һәм 4 нче номерлы мәктәп укучылары өчен Бөгелмә электр насослары заводына экскурсия үткәрелгән.

20 нче март көнне  Бөгелмә халыкны эш белән тәэмин итү үзәге мәгариф идарәсе белән берлектә "Мәгариф. Карьера-2014" дигән вакансияләр һәм уку урыннары ярминкәсе уздыра. 

Кукмара районының яшь вәкилләре мөмкинлекләре чикле балалар арасында  "Без барын да булдырабыз" дип исемләнгән 7 нче Республика музыка һәм сәнгать конкурсында катнашканнар. Әлеге конкурс Яр Чаллы шәһәрендә узган.  Кукмара районы "Вокал-соло" һәм "Инструменталь башкару" номинацияләре буенча тәкъдим ителгән.

Яр Чаллы шәһәрендә мөмкинлекләре чикле балалар арасында  "Без барын да булдырабыз" дип исемләнгән 7 нче Республика музыка һәм сәнгать конкурсы башланган.  Әлеге конкурсның максаты мөмкинлекләре чикле балаларның иҗат потенциалын үстерүдән гыйбарәт.