Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Яшь кукмаралылар "Без барын да булдырабыз" дип исемләнгән 7 нче Республика музыка һәм сәнгать конкурсында призлы урыннар яулаганнар

2014 елның 18 марты, сишәмбе

Кукмара районының яшь вәкилләре мөмкинлекләре чикле балалар арасында "Без барын да булдырабыз" дип исемләнгән 7 нче Республика музыка һәм сәнгать конкурсында катнашканнар. Әлеге конкурс Яр Чаллы шәһәрендә узган. Кукмара районы "Вокал-соло" һәм "Инструменталь башкару" номинацияләре буенча тәкъдим ителгән.
Жюри карары буенча Нияз Кәримуллин гран-прига лаек дип табылган. Алмаз Әгъләмҗанов һәм Илъяс Сибгатуллин "Инструменталь башкару" номинациясендә 2 нче дәрәҗәдәге лауреат дип табылганнар.
"Вокал-соло" номинациясендә Илүзә Хәбибуллина һәм Диләрә Кашапова 3 нче дәрәҗәдә лауреат дип танылганнар.
Шәфкатьлелек балалар ордены бүлеге тарафыннан оештырылучы әлеге конкурс мөмкинлекләре чикле балаларның иҗат мөмкинлекләрен ачыклау максатыннан чыгып үткәрелә.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

ЯҢАЛЫКЛАРГА ЯЗЫЛУ