ЯҢАЛЫКЛАР

Шушы көннәрдә "2014-2020 нче елларга дәүләт милли сәясәтен тормышка ашыру" темасына Иҗтимагый совет утырышы узган.  Әлеге программа кысаларыда уздырылачак конкурс турында мәгълүмат белән "Гаилә" үзәге директоры Татьяна Журавлева чыгыш ясаган. 

Шушы көннәрдә Минзәләнең "Умырзая" мөмкинлекләре чикле балалар һәм яшүсмерләр өчен тернәкләндерү үзәгендә  инвалид балаларның әти-әниләре өчен  семинар-практикум уздырылган.  Әлеге чараның  төп темалары "Өй шартларында  вак моториканы  үтсерү", "Мөмкинлекләре чикле баланы социаль-көнкүреш  җайлаштыру" булган.

Биектауның "Өмет"  халыкны социаль тәэмин итү комплекслы үзәге "Кояшлы балачак" дигән  республика программасы кысаларында   "Мин тормышны яратам" дип исемләнгән акция үткәргән. Әлеге акциядә Биектау районы мәктәпләренең башлангыч һәм урта сыйныфларында белем алучылар катнашкан.

Кичә Яр Чаллының "Ышаныч" халыкны социаль тәэмин итү комплекслы  үзәге хезмәткәрләре "КамАЗ" ААҖ двигательләр заводы эшчеләре белән очрашу уздырганнар.  АБК-2 актлар залында завод цехлары эшчеләре белән сөйләшү "Ышаныч" үзәге   эшчәнлеге хакында барган. 

Инде 10 елдан артык Алабугада "Волонтер" доброволецлар үзәге эшләп килә.  Балалар йортындагы, шулай ук 7 мәктәптәге отрядлар яшьләрнең тормышын кызыклырак һәм тулырак итәргә омтылалар.
Мисал өчен, шәһәрдә тиздән Яшьләр иҗтимагый советы оештырылачак.   Әлеге идеяне тормышка ашыра башлауга нигез Алабуга өлкәннәр һәм инвалидлар өчен интернат-йортта узган "Яшь лидер мәктәбендә" салынган.

Җаваплы ата-ана булу һәм балаларга карата рәхимсез карашны кисәтү буенча гомумрусия кампаниясе кысаларында Лениногорск "Исток-Башлангыч" халыкны социаль тәэмин итү комплекслы үзәге тарафыннан  берничә чара үткәрелгән. Үзәк белгечләре волонтерлар белән берлектә "Күз яшьләрсез балачак" дип исемләнгән акция оештырганнар.

Бүген Казанның Яңа Савин районында вакантлы эш урыннары кече ярминкәсе узган.