ЯҢАЛЫКЛАР

Бүген Бөгелмә халыкны эш белән тәэмин итү үзәгендә  район мәктәпләре укучылары өчен вакантлы эш урыннары ярминкәсе уздырылган.  Биредә 2 нче көллият, 7, 3, 5, 9, 8, 13, 18  нче мәктәпләрдә һәм кадет мәктәбендә  белем алучылар катнашкан. Ярминкә нәтиҗәләре буенча 105 укучы эшкә урнашкан.

Биектау районы "Өмет" халыкны социаль тәэмин итү комплекслы үзәгенең гаиләгә һәм балаларга социаль ярдәм бүлеге белгечләре тарафыннан "Үз-үзең белән гармониядә" дигән проект тормышка ашырыла башлаган. Татарстан Республикасы Министрлар Кабинетының грантын откан әлеге проект - "Биектау" хәйрия фонды белән  уртак эш нәтиҗәсе.

"Үлем белән сату итү турында хәбәр ит" дигән акциянең беренче этабы  кысаларында   Менделеевск «Өмет яры» халыкны социаль тәэмин итү комплекслы үзәге тарафыннан наркоманияне кисәтүгә багышланган чара уздырылган.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 17  нче марттан 21 нә чаклы 1 үлем белән тәмамланган һәм 3 авыр  бәхетсезлек очрагы теркәлгән.

Татарстан Республикасы Хезмәт, халыкны эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Аның төп темасы оешмалар тарафыннан үтәлә торган мәҗбүри социаль, пенсия, медицина иминиятләштерүләре өчен түләүләр, хезмәт хакын вакытында түләмәү буенча финанс-икътисадый хәл һәм бурычларны каплау мәсьәләләре буларак яңгырады.

21 нче март көнне дөньяда Халыкара Даун синдромлы кешеләр көнен билгеләп үтәләр.  Бу көн уңаеннан "Апрель" мөмкинлекләре чикле балалар һәм яшүсмерләр өчен тернәкләндерү үзәге   Даун синдромлы кешеләргә җәмгыять игътибарын юнәлтү максаты белән традицион акция уздырды. "Һәр балада кояш яши" дип исемләнгән акция  "Әкият"  Казан курчак театрында үтте.

Халыкара Даун синдромлы кешеләр көне кысаларында Бөгелмә мөмкинлекләре чикле балалар һәм яшүсмерләр өчен тернәкләндерү үзәгендә  Әлмәт, Азнакай, Баулы, Лениногорск һәм Бөгелмә шәһәрләрендә яшәүче ата-аналар һәм аларның даун синдромлы балалары җыйналган.

26 нчы март көнне  Ютазы халыкны эш белән тәэмин итү үзәге тарафыннан вакантлы эш һәм уку урыннары ярминкәсе уздырылачак. 

Шушы көннәрдә Бөгелмәнең техника сараенда Бөгелмә халыкны эш белән тәэмин итү үзәге мәгариф идарәсе белән берлектә "Мәгариф. Карьера-2014" дигән вакансияләр һәм уку урыннары ярминкәсе уздырылган. Бирегә шәһәрнең 7  предприятиесе вәкилләре, 9 урта һөнәри белем учреждениесе, гомуми белем мәктәпләренең чыгарылыш сыйныф укучылары чакырылган.

Бөгелмәнең "Ялкын" социаль приютында Нәүрүзгә багышланган бәйрәм чарасы узыдырылган.