ЯҢАЛЫКЛАР

Шушы көннәрдә Азнакай халыкны эш белән тәэмин итү үзәге белгечләре авыл хуҗалыгы өлкәсендә  эшче һөнәрләр дәрәҗәсен күтәрү буенча һөнәри юнәлеш бирүче районкүләм  чарада катнашканнар.

1 нче июнь көнне  ТР Президенты Аппараты булышлыгы белән "Әкият" Татар дәүләт курчак театры республиканың күпбалалы гаиләләре өчен бәйрәм программасы әзерли. Балалар һәм аларның гаиләләре бу көнне Е.Шварцның "Золушка" спектакле премьерасын карый алачаклар.

Шушы көннәрдә "Балаларны яклау өлкәсендә дәүләт сәясәте: законнар- стандартлаштыру һәм практика"  дигән темага республикакүләм киңәшмә булып узган. Биредә төрле министрлыклар, бала хокукларын саклау буенча белгечләр, муниципаль берәмлекләр һәм шәһәр округлары вәкилләре катнашкан. Бу чарада "Гаилә" гаиләгә һәм балаларга социаль ярдәм мәгълүмати-методик республика үзәге вәкиле Ирина Чулкова да булган. 

Яр Чаллыда урнашкан "Кояшкай" мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүче балалар тагын бер тапкыр сәламәт яшьтәшләре кебек үк уйный, күңел ача белүләрен исбатлаганнар.

Авиатөзелеш районы гаиләгә һәм балаларга социаль ярдәм бүлекчәсе психологлары балигъ булмаганнарга карата рәхимсез карашны кисәтү максатыннан социаль куркыныч хәлдәге гаиләләрдәге ата-аналар өчен "Күбәләкләр циркы" дигән кинотренинг үткәргәннәр.

4 нче июнь көнне Казанның Вахитов районы халыкны эш белән тәэмин итү үзәге белгечләре вакантлы эш урыннары кече ярминкәсе үткәрәчәкләр. Әлеге чарада шәһәрнең түбәндәге предприятие вәкилләре катнаша: "Водоканал", "Трест Горводзеленхоз", "Метроэлектротранс" муниципаль унитар предприятиеләре,  "Электроприбор" Казан заводы, "Татарстан почтасы".