ЯҢАЛЫКЛАР

Шушы көннәрдә Азнакай халыкны эш белән тәэмин итү үзәге белгечләре тарафыннан "Бердәм Русия Яшь гвардиясе" Бөтерусия иҗтимагый оешмасының төбәк бүлекчәсе җитәкчеләре слеты кысаларында  һөнәри юнәлеш бирү мәсьәләләре буенча түгәрәк өстәл оештырылган.

Яр Чаллының "Ышаныч" халыкны социаль тәэмин итү комплекслы үзәге каршындагы гаиләгә һәм балаларга социаль ярдәм бүлекчәсендә балигъ булмаганнарның караучысызлыгын кисәтү максатларында тәэмин итүдәге гаиләләрдәге балаларны  эшкә  урнаштырганнар. Җәйге каникуллар вакытында эшләп алырга теләк белдергән яшүсмерләр Пенсия фонды һәм Үзәк Китапханәгә эшкә кергәннәр.

Яр Чаллыда урнашкан "Асылташ" балигъ булмаганнар өчен социаль тернәкләндерү үзәгендә балаларга балалар табибы сулыклар янында җәй көне ял көне итү куркынычсызлыгы турында сөйләгән.

Алабуга өлкәннәр һәм инвалидлар өчен интернат-йортның "Алтын яшь" доброволецлар отряды боулинг буенча II нче хәйрия турнирында катнашкан. Турнир "Манхеттен" күңел ачу комплексында узган. 

"Әзер бул!" - Менделеевскида урнашкан "Кама таңнары" приютында спорт көне әнә шундый лозунг астында уздырылган.  Әлеге чараның максаты  балаларны сәламәт тормыш рәвешенә өндәү, табигатьне ихтирам итәргә өйрәтүдән гыйбарәт булган.

Бөгелмәнең  балалар һәм яшүсмерләр өчен "Ялкын" приютында тәрбияләнүче 3 яшьтән алып 14 яшькәчә 25 бала  "Барс" дигән күчмә зоопаркка экскурсиягә барган.

Шушы көннәрдә Бөгелмәнең "Радуга" халыкны социаль тәэмин итү комплекслы үзәгендә гаиләгә һәм балаларга социаль ярдәм бүлекчәсе психологы тарафыннан "Бәхәсләрне чишү һәм кисәтү" дигән темага тренинг уздырылган. Әлеге чарада "Поддержка" клубына йөрүче мөмкинлекләре чикле кызлар һәм малайлар катнашкан.

"Гаилә" гаиләгә һәм балаларга социаль ярдәм мәгълүмати-методик республика үзәгендә Гаилә, мәхәббәт һәм тугрылык көнен бәйрәм итү күптән инде күркәм гадәткә әверелде. Бу елны да социаль куркыныч һәм авыр тормыш хәлендә калган балалар һәм гаиләләр өчен гаилә бәйрәме уздырылды.