ЯҢАЛЫКЛАР

Бүген "Гаилә" гаиләгә һәм балаларга социаль ярдәм мәгълүмати-методик үзәгендә гаиләгә һәм балаларга социаль ярдәм бүлекчәләре психологлары өчен Республика гамәли ориентлашкан семинары уздырылган.

Шушы көннәрдә Казанның Авиатөзелеш районында халыкка социаль хезмәт күрсәтү бүлекчәсе белгечләре "Кызыксынулар планетасы"  гаилә клубы кысаларында "Уңган куллар" дигән иҗади дәрес уздырганнар. Әлеге чарада социаль куркыныч һәм авыр тормыш хәлендә булган гаиләләр катнашкан.

Иртәгә "Гаилә" гаиләгә һәм балаларга социаль ярдәм мәгълүмати-методик үзәгендә Балинт төркеменең гамәли ориентлашкан семинары уздырыла. Бу чара яшүсмерләрнең девиант тотышын төзәтүдә когнитив алымны куллану, шулай ук  көндәлек эштә компьютер-диагностика методикаларын куллану кебек сорауларга багышланган.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 21 нче июльдән 25 нә чаклы 2 үлем белән тәмамланган һәм 2 авыр  бәхетсезлек очрагы теркәлгән.

Шушы көннәрдә Азнакай  халыкны эш белән тәэмин итү үзәге белгечләре эшче һөнәрләрне  популярлаштыру кысаларында "Каенкай" сәламәтләндерү лагерендә һөнәри юнәлеш бирүче чара уздырганнар. Әлеге чарада 7-15 яшьлек 200 бала катнашкан.

11 августтан Министрлыкта наркотик кулланудан туктаган кешеләрне хезмәт аша  социальләштерү белән шөгыльләнүче иҗтимагый оешмаларга  субсидия бирү  өчен гаризалар кабул итү башлана. Әлеге субсидияләрне бирү тәртибе һәм шартлары турында хокукый норматив документлар Татарстан Республикасы Хезмәт, халыкны эш белән тәэмин итү һәм социаль яклау министрлыгының рәсми сайтында, “Конкурслар” бүлегендә, “Наркотиклар кулланудан туктаган кешеләрне хезмәт аша социализацияләү “  бүлекчәсендә  урнаштырылган.

Бүген Азнакай халыкны эш белән тәэмин итү үзәгендә пенсия яшенә чаклы һәм пенсия яшендәге гражданнарны компьютерда эшләргә өйрәтү буенча чираттагы  курслар ачылды.