ЯҢАЛЫКЛАР

Бүген Бөгелмә халыкны эш белән тәэмин итү үзәге белгечләре  "Салют" җәйге сәламәтләндерү лагерендә ял итүче урта мәктәп яшендәге балалар өчен һөнәри юнәлеш бирүче чара уздырганнар. Биредә 7-15 яшьлек 100 кеше катнашкан.

Белгечләр Украина гражданнарын үзәккә исәпкә кую һәм кабаттан теркәү, аларга ваканисяләр сайлау, хезмәт базары турында мәгълүмат бирү буенча күп эш башкаралар. 

1 нче августтан 3 нче августка чаклы Алабугада Русия күләмендә милли чара - БДБ, Россия һәм Татарстаннан халык осталарын һәм һөнәрчеләрне җыйган Спасс ярминкәсе уздырылган. Бу бәйрәм чарасыннан Алабуга  өлкәннәр һәм инвалидлар өчен интернат-йорт та читтә калмаган.

21 нче июльдән 30 на чаклы Татарстан Республикасы Хезмәт, халыкны эш белән тәэмин итү һәм социаль яклау министрлыгы тарафыннан Казан халыкны эш белән тәэмин итү үзәгенең Совет районы буенча филиалы дәүләт казна учреждениесе   эшчәнлеге тикшерелгән. Тикшерү чараларының бер өлеше учреждениегә барып үткәрелгән.

1 нче августтан 19 нчы августка чаклы Татарстан Республикасы Хезмәт, халыкны эш белән тәэмин итү һәм социаль яклау министрлыгының  вәкаләтле вәкилләре тарафыннан Әлмәт  халыкны эш белән тәэмин итү үзәгенең халыкны эш белән тәэмин итү буенча дәүләт гарантияләрен үтәү, инвалидларны эшсез сыйфатында теркәү буенча эшчәнлеге тикшереләчәк.

"Гаилә" гаиләгә һәм балаларга  социаль ярдәм мәгълүмати-методик үзәгендә 1 нче августтан 5 нче сентябрьгә чаклы  "Төрле төстәге балачак" дигән балалар рәсеме конкурсы игълан ителә. Конкурста республиканың гаиләгә һәм балаларга социаль хезмәт күрсәтү учреждениеләре карамагында булган 16 яшькә чаклы балалар катнаша ала.

Бүген Түбән Кама гаиләгә һәм балаларга социаль ярдәм үзәге белгечләре тарафыннан тулы булмаган, күп балалы, аз тәэмин ителгән гаиләләрдә тәрбияләнүче, шулай әтисе яки әнисе инвалид булган мөмкинлекләре чикле  40 бала өчен анимацияле чара уздырылган.

Минзәлә халыкка социаль хезмәт күрсәтү үзәге каршындагы гаиләгә һәм балаларга социаль ярдәм бүлекчәсе  белгечләре мәктәпкәчә яшьтәге балалар өчен иртә үсеш студиясе оештырганнар. Балалар белән чаралар махсус җиһазландырылган бүлмәдә аена ике тапкыр уздырыла.