ЯҢАЛЫКЛАР

Кичә Азнакай халыкны эш белән тәэмин итү үзәгенең яңа бинасын ачу тантанасы булып узды. Әлеге чарада Татарстан Республикасы Хезмәт, халыкны эш белән тәэмин итү һәм социаль яклау министры урынбасары Клара Таҗетдинова, Азнакай районы башкарма комитеты җитәкчесе Айдар Шәмсетдинов, Азнакай районы башкарма комитеты җитәкчесенең социаль сораулар буенча урынбасары Дамир Гыйләҗев, Азнакай районы предприятие-оешма җитәкчеләре катнаштылар.

Шушы көннәрдә Зәй районы "Радость" халыкка социаль хезмәт күрсәтү комплекслы үзәгендә мөмкинлекләре чикле балалар өчен  Яңа ел тамашасы оештырылган.

Әлки районының "Березка" һәм Алабуганың "Яңа йорт" социаль приютларында яшәүче 10 бала Мәскәүдә Гомумроссия чыршы бәйрәмендә катнашачак.

Питрәч районы "Забота" халыкка социаль хезмәт күрсәтү комплекслы үзәге  белгечләре шушы араларда инвалидлар белән аларның өйләренә килеп очрашулар уздырганнар. "Җанны җылы сүз белән җылытыйк" дигән исемдәге әлеге чаралар махсус өлкән яшьтәге кешеләр өчен оештырылган.

Түбән Каманың "Веста" үзәгендә Яңа ел бәйрәме узган. Биредә социаль хезмәтләргә мохтаҗ булган гаиләләрдә тәрбияләнүче  50 бала катнашкан.

Бүген министрлыкта   "Татарстан Республикасының иң яхшы мәшгульлек үзәге-2014" чираттагы республика конкурсына йомгак ясалды.
Инде алтынчы тапкыр уздырылучы  смотр-конкурсның максатлары  ТР мәшгульлек үзәкләренә мөрәҗәгать иткән гражданнар белән эшләү технологияләрен камилләштерү, үзәкләрнең идарә, мәгълүмати-аналитик, оештыру-методик эшчәнлеген өйрәнү, белгечләрнең һөнәри осталыгын арттыру, күрсәтелә торган хезмәтләрнең сыйфатын күтәрүдән гыйбарәт.

Бүген министрлыкта 7-10 нчы сыйныф укучылары арасында үткәрелә торган "Киләчәккә билет"  дигән һөнәрләр турында Республика иншалар конкурсына йомгак ясалды.