ЯҢАЛЫКЛАР

Лениногорск районының «Исток-Башлангыч» комплекслы социаль хезмәт күрсәтү үзәгендә махсус хәрби операция катнашучыларының тол хатыннары белән үсмерләр очрашуы узды. Чара үзәкнең социаль педагогы Хәйруллина Ләйсән тарафыннан «Яшь патриот» социаль технологиясе кысаларында оештырылды.

Татарстан Республикасында хәрби һәм хезмәт батырлыгы елы кысаларында Казан шәһәренең Комплекслы социаль хезмәт күрсәтү үзәгенең көндезге бүлеге тәрбияләнүчеләре көмеш волонтерлар белән бергә Җиңү көненә багышланган бәйрәм открыткалары әзерләделәр.

Яр Чаллы шәһәренең Үзәк шәһәр китапханәсендә «Ышаныч» комплекслы социаль хезмәт күрсәтү үзәгендәге акыл үсеше бозылган яшь кешеләр өчен махсус очрашу узды. Чара Идел буе федераль округының «Акыл сәламәтлеге» проекты һәм Халыклар бердәмлеге елы кысаларында уздырылды.

Аксубай районының «Мечта» балалар һәм үсмерләр өчен социаль приютында Җиңү көненә багышланган «Ветеранга открытка» патриотик акциясе үткәрелде.

Татарстан Республикасының барлык тернәкләндерү үзәкләрендә 28 апрельдә инде традициягә әйләнгән ачык гаилә/ата-ана көннәре узды. Аларда 290 кеше – сәламәтлек мөмкинлекләре чикләнгән балаларның ата-аналары һәм аларның гаилә әгъзалары катнашты.

Татарстан Республикасы хезмәт, эш белән тәэмин итү һәм социаль яклау министры Эльмира Зарипова «Коррупциясез Татарстан» телетапшыруында кунак булды. Әңгәмә барышында балалы гаиләләр өчен социаль гарантияләргә һәм «соры» эшчәнлекнең киләчәктә пенсия тәэминатына тәэсиренә аерым игътибар бирелде.

Лениногорск муниципаль районының «Исток-Башлангыч» халыкка социаль хезмәт күрсәтү комплекслы үзәгендә «Уңыш вернисажы» дип аталган балчыктан ясалган әйберләр күргәзмәсе ачылды. Экспозициядә «Гаилә остаханәсе — Балчык эше» проекты катнашучыларының эшләре тәкъдим ителә. Әлеге проект авыр тормыш хәлендә калган балаларга ярдәм итү фонды ярдәме белән тормышка ашырыла.

28 апрельдә Лениногорск муниципаль районының «Исток-Башлангыч» халыкка социаль хезмәт күрсәтү комплекслы үзәгендә социаль хезмәтләр алучы балигъ булмаганнар өчен профилактик чара узды. Хокук бозуларны кисәтү программасы кысаларында яшүсмерләргә «Расходник» видеоматериалы тәкъдим ителде, анда хокукка каршы һәм җинаять гамәлләренең тискәре нәтиҗәләре ачыкланды.

Габдулла Тукайның тууына 140 ел тулуны бәйрәм итү кысаларында Әлмәт шәһәренең «Ветеран» инвалидлар реабилитация үзәгендә социаль хезмәт алучылар өчен тантаналы чара оештырылды.

28 апрельдә «Ветеран» инвалидларны тернәкләндерү үзәгендә чираттагы ачык гаилә/ата-аналар көне узды. Чараның кунаклары Татарстан Республикасының «Россия эше» кадрлар үзәгенең әйдәп баручы белгече Елена Архипова һәм Татарстан Республикасы буенча Россия Социаль фонды бүлегенең баш белгече Татьяна Николаева булды.