Минзәлә районында Террорчылыкка каршы көрәштә теләктәшлек көненә багышланган мәктәп укучылары белән очрашу узды
Сентябрь башында Минзәлә шәһәренең 3 нче мәктәбендә җиденче сыйныф укучылары белән Террорчылыкка каршы көрәштә теләктәшлек көненә багышланган очрашу булды. Чараны район башлыгы ярдәмчесе Марк Токарев һәм Минзәлә халыкка социаль хезмәт күрсәтү комплекслы үзәгенең гаилә белән эшләү буенча белгече үткәрде. Чарада 67 укучы катнашты.
Очрашу интерактив форматта узды. Укучылар өчен игътибарны үстерүгә юнәлдерелгән күнегү һәм уен оештырылды. Әңгәмә барышында террорчылыкның асылы, уяулык һәм гражданлык җаваплылыгының әһәмияте каралды.
Экстремизм һәм террорчылыкны профилактикалау буенча эш системалы рәвештә алып барыла. «Экстремизмга – юк!» ункөнлеге кысаларында гаиләгә һәм балаларга социаль ярдәм бүлекчәсендә әлеге күренешкә каршы көрәшкә багышланган тематик стенд төзелде.