ЯҢАЛЫКЛАР

#ДарюТепло Бөтенроссия урам акциясе кысаларында Әлмәт районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Юность» яшүсмерләр клубы белән берлектә «Буш вакытны ничек файдалы итеп үткәрергә?» буклетлары таратты.

ТР хезмәт, халыкны эш белән тәэмин итү һәм социаль яклау министры Эльмира Зарипова Арчаның өлкәннәр һәм инвалидлар өчен интернат-йортында булды. Учреждениедә ул социаль хезмәтләр алучылар белән аралашты, бүлмәләр буйлап йөреп чыкты, гражданнарга социаль хезмәтләр күрсәтү тәртибе, интернат-йортта яшәүчеләрнең туклануы белән танышты.

Халыкара инклюзив иҗади уеннар – Россия һәм халыкара дәрәҗәдәге төрле иҗади фестивальләрдә җиңүчеләр булган инвалидлар һәм инклюзив иҗади коллективлар арасында мәдәният һәм сәнгать өлкәсендә югары казанышлар өлкәсендә ярышлар.

Бүген Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипованың Балтач муниципаль районына эшлекле сәфәре булды.

Әлмәт районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсенең социаль эш буенча белгече социаль хезмәтләр алучылар белән «Бәла исеме – наркотик» дигән әңгәмә үткәрде. Катнашучыларга наркомания – ул коточкыч бәла, кеше язмышын боза торган явызлык дип аңлаттылар.

Шушы көннәрдә «Актив озын гомерлелек» проектында катнашучылар Лениногорск районының «Исток–Башлангыч» халыкка социаль хезмәт күрсәтү комплекслы үзәгенең өй бүлеге белгечләре белән берлектә яңа гаиләдә яшәүче өлкән яшьтәге гражданнарга кунакка килделәр.

Менделеевск районындагы балалар һәм яшүсмерләр өчен «Кама таңнары» социаль приютында тәрбияләнүчеләрнең һәр җәе бай һәм нәтиҗәле уза. Шушы көннәрдә балалар Менделеевск районының Ижевка авылында урнашкан «Ижминводы» шифаханәсендә булдылар. Сәфәр шифаханә җитәкчелеге, директор Сәлим Хәбибуллин ярдәме белән оештырылды.

7 июльдә 95 яшьлек юбилеен Бөек Ватан сугышында катнашучының тол хатыны, хезмәт ветераны, Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең социаль хезмәтләр алучысы Корнелия Дмитриевна билгеләп үтте.

Буаның өлкәннәр һәм инвалидлар өчен интернат-йортында учреждение хезмәткәрләре традицион рәвештә «Гаилә – ул һәрвакыт синең белән» дигән чара үткәрде. Гаилә, мәхәббәт һәм тугрылык көненә багышланган.

Дмитрий Ибраһимов 2023 елның апрель башыннан Яшел Үзән шәһәренең халыкны эш белән тәэмин итү үзәгендә исәптә тора. Ир-ат гомер буе сакчы булып эшләгән, ләкин алган җәрәхәте, ә аннары инвалидлыгы аркасында башка эш эзләргә туры килгән. Мәшгульлек үзәге белгечләре татарстанлыларны 23 июньдә узган Бөтенроссия эшкә урнаштыру ярминкәсенең икенче этабына чакырды.