ЯҢАЛЫКЛАР
Өлкәннәр ункөнлегендә Тәтеш өлкәннәр һәм инвалидлар өчен интернат-йортына эш визиты белән Татарстан Республикасы Дәүләт Советы депутаты Ләлә Кәдермәтова килде. Ул социаль хезмәтләр алучыларга ныклы сәламәтлек һәм актив озын гомер теләде. Депутат шулай ук чәйгә тортлар алып килгән иде, кием маркировкалау өчен принтер сатып алуга сертификат тапшырды.
Өлкәннәр ункөнлеге көннәрендә Әтнә районының «Изгелек» халыкка социаль хезмәт күрсәтү комплекслы үзәгенең социаль хезмәткәрләре ел саен үткәрелә торган «Игелек визитлары» акциясен оештырдылар. Ул социаль хезмәт алучыларны, шул исәптән күп еллар бергә яшәгән парларны котлауны күздә тота.
Югары Ослан районының «Өмет утравы» халыкка социаль хезмәт күрсәтү комплекслы үзәгендә өлкәннәр ункөнлеге чорында сәламәтләндерү дәресләре циклы үткәрелә. Өйдә социаль хезмәтләр алучылар белән физик активлыкны, хәтерне һәм игътибарлылыкны яхшырту өчен күнегүләр башкаралар.
Балалар һәм ата-аналар мөнәсәбәтләрен җайга салу максатларында Казандагы халыкка социаль хезмәт күрсәтү комплекслы үзәге белгечләре психоэмоциональ травмалары булган балигъ булмаганнарга социаль-психологик ярдәм күрсәтү буенча «Һәркем мөһим» программасын гамәлгә ашыра.
7 октябрьдә һәм 7 апрельдә Россиядә Йөкле хатын-кызлар көне билгеләп үтелә. Әлмәтнең хатын-кызлар консультациясендә бу дата уңаеннан «Стресс һәм аны җиңү юллары» темасына дәрес узды. Чараны «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы үткәрде.
Лаеш районында мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр һәм учреждение ветераннары Халыкара өлкәннәр көненә багышланган чарада катнаштылар.
«Астра» мөмкинлекләре чикләнгән балалар һәм яшүсмерләр өчен тернәкләндерү үзәге үзенең ветераннарын котлады. Халыкара өлкәннәр көне уңаеннан оештырылган бәйрәмдә Алабуга районы Ветераннар советы рәисе Геннадий Боганов та катнашты.
Өлкәннәр ункөнлегендә Әлмәт шәһәренең «Ветеран» инвалидларны тернәкләндерү үзәгендә юлларда куркынычсызлыкка багышланган чара узды.
Арча районының «Шәфкать үзәге» халыкка социаль хезмәт күрсәтү комплекслы үзәгендә сумкалар бизәү буенча мастер-класс узды. Дәресне декоратив-гамәли сәнгать буенча тәҗрибәле остаз Ләйсән Сабирова үткәрде.
Яр Чаллы шәһәренең социаль яклау идарәсе җитәкчесе Ленар Шакиров һәм «Ышаныч» халыкка социаль хезмәт күрсәтү комплекслы үзәге директоры урынбасары Лилия Вәлиева социаль хезмәт алучылар янына бардылар. Мәсәлән, алар Бөек Ватан сугышы ветераны Мөнәвәрә Гобәйдулла кызында кунакта булдылар. Ул гомер буе рус теле һәм әдәбияты укытучысы булып эшләгән.