ЯҢАЛЫКЛАР

Балачак унъеллыгының төбәк планын үтәү кысаларында Ютазы районындагы «Гармония» халыкка социаль хезмәт күрсәтү комплекслы үзәгендә «Интернетта куркынычсызлыкның алтын кагыйдәләре турында әкият» дигән чара узды.

Лениногорск районы «Исток-Башлангыч» халыкка социаль хезмәт күрсәтү комплекслы үзәге базасында «Волонтер» иреклеләр үзәге уңышлы эшләп килә. Күптән түгел волонтерлар өлкән яшьтәге гражданнарга көнкүреш хезмәтләре күрсәтү буенча акция уздырдылар. Акция барышында балалар Раиса Анатольевнага өй җыештыруда ярдәм күрсәттеләр.

Бүген Яр Чаллының «Изгелек» инвалидларны тернәкләндерү үзәгенең социаль эш буенча белгече Мәдинә Хажарова өлкән яшьтәге социаль хезмәт алучылар өчен «Хуҗалык эшләрен бергәләп» дигән мастер-класс үткәрде.

Түбән Каманың «Веста» гаиләгә һәм балаларга социаль ярдәм үзәгендә яшүсмерләрнең медиакультурасын формалаштыру буенча «Мәгълүмати навигатор» технологиясен тормышка ашыру дәвам итә.

22 сентябрь көнне Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Без ничек көз буяулары эзләдек» дигән уен дәресе узды.

18 сентябрь көнне «Үз-үзеңә психолог» программасы кысаларында Тукай районы «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Ләйсән Насыйрова мәктәп укучылары белән «Үпкә белән эш» дигән темага дәрес үткәрде. Чара Бәтке урта гомуми белем бирү мәктәбе базасында узды.

Буа районының «Гармония» халыкка социаль хезмәт күрсәтү комплекслы үзәге психологы Светлана Шакирова «Нейрографика» темасына тренинг дәресе үткәрде. Әлеге чарада гаиләгә һәм балаларга социаль ярдәм бүлекчәсе карамагындагы балалар катнашты.

Әлмәт районында «Кайгырту» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре 70 яшьтән өлкәнрәк ялгыз һәм ялгыз яшәүче гражданнарны көн саен өйләренә барып барлауны дәвам итәләр.

ТАССР төзелүнең 100 еллыгын бәйрәм итү кысаларында Түбән Кама районының 5 нче социаль участогында «ТАССРның алтын гасыры» дигән темага төркемле дәрес узды. 12 балигъ булмаган бала катнашында чараны «Веста» гаиләгә һәм балаларга социаль ярдәм үзәге белгече Ольга Луб үткәрде.

Минзәлә өлкәннәр һәм инвалидлар өчен интернат-йортында тәрбияче Галина Рогова һәм социаль эш буенча белгеч Екатерина Мясникова социаль хезмәт алучыларга массаж туплары белән шәхси күнегүләр комплексын тәкъдим иттеләр.