ЯҢАЛЫКЛАР

Кичә Минзәлә картлар һәм инвалидлар өчен интернат-йортына гадәти булмаган почта килеп иреште. «Тургай» балалар һәм яшүсмерләр өчен социаль приютында тәрбияләнүчеләр өлкәннәргә дулкынландыргыч хатлар җибәрделәр.

Янгын куркынычсызлыгын тәэмин итү максатыннан 18 март көнне Әлмәт районында «Опека» үзәгенең гаиләгә һәм балаларга социаль ярдәм күрсәтү бүлеге һәм өйдә социаль ярдәм күрсәтү бүлекчәсе белгечләре, янгын сагы гарнизоны хезмәткәрләре белән берлектә, профилактик рейдлар үткәрделәр. Алар күп балалы гаиләләр һәм 65 яшьтән өлкәнрәк ялгыз яшәүче гражданнарның фатирларында һәм йортларында булдылар.

«Мин иминлектә» технологиясе кысаларында Түбән Каманың «Веста» гаиләгә һәм балаларга социаль ярдәм үзәге белгече Ирина Кожевникова 4 нче социаль участокта «Безне шартлатырга тиеш булган кыз» дигән төркемле дәрес оештырды. Чараның максаты – толерантлык формалаштыру, милләтара ызгыш һәм түземсезлек профилактикасы.

Менделеевск муниципаль районындагы «Өмет яры» халыкка социаль хезмәт күрсәтү комплекслы үзәге «Демография» милли проектының «Өлкән буын» проектын тормышка ашыру кысаларында авыл җирлегендә яшәүче 65 яшьтән өлкәнрәк затларны медицина оешмаларына китерү эшен дәвам итә.

Бу ялларда Спас өлкәннәр һәм инвалидлар өчен интернат-йортында Б. А. Андреянов җитәкчелегендә «Болгар» эзтабарлар отряды булып китте. Алар социаль хезмәт алучылар алдында сугыш елларында совет халкының авыр тормышы турында тематик концерт белән чыгыш ясадылар.

14 март көнне Әлмәт районының «Опека» халыкка социаль хезмәт күрсәтү комплекслы үзәгендә социаль хезмәт алучы Бөек Ватан сугышы ветераны Сәлимә Нәбиулла кызы Нәбиуллина үзенең 100 яшьлек юбилеен билгеләп үтте.

19 нчы март көнне Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге белгечләре Ата-аналар өчен мәктәпнең чираттагы утырышын уздырдылар. Чарада 23 кеше катнашты.

19 март көнне Чүпрәле районының «Теплый дом» балалар һәм яшүсмерләр өчен социаль приютында тәрбияләнүче 26 бала «Нәүрүз – яз бәйрәме» чарасында катнашты.

Туган телләр һәм халыклар бердәмлеге елы кысаларында Алабуга өлкәннәр һәм инвалидлар өчен интернат-йортында «Идел буе халыклары мәдәнияте» дигән музыкаль-уен чарасы узды. Ул туган телгә сакчыл караш, туган телең өчен горурлык, ата-бабаларың, халкың, мәдәниятеңә кагылышлы булу хисен формалаштыруга юнәлтелгән иде.

Татарстан Республикасында Туган телләр һәм халыклар бердәмлеге елы кысаларында Чистайның «Юлдаш» өлкәннәр һәм инвалидлар өчен интернат-йорты тәрбиячесе Людмила Җамалетдинова декоратив-гамәли иҗат буенча мастер-класс үткәрде.