ЯҢАЛЫКЛАР
Җиңү көнен бәйрәм итү алдыннан Питрәч районының «Шатлык» балалар һәм яшүсмерләр өчен социаль приютында өлкән төркем тәрбияләнүчеләре белән «Безне Җиңү көтә» дип исемләнгән уен-сәяхәт үткәрелде.
Бөгелмәнең «Салават күпере» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы һәм психологы менталь тайпылышлары булган кешеләр өчен көндезге тору кабинетында Бөек Ватан сугышында Җиңүнең 76 еллыгына багышланган чара уздырдылар.
Буаның «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече менталь тайпылышлары булган гражданнар өчен туган якны өйрәнү музеена экскурсия оештырды. Чараның максаты – рухи һәм әхлакый-патриотик хисләр формалаштыру.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Бөтенхалык бәйрәме – Җиңү көне якынлаша. Бәйрәм алдыннан Буа өлкәннәр һәм инвалидлар өчен интернат-йортында күп кенә тематик чаралар һәм акцияләр үткәрәләр.
Балигъ булмаганнарны патриотик тәрбияләү эше кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Елена Макарова тыл хезмәтчәннәре һәм сугыш чоры балалары өчен открыткалар әзерләү буенча мастер-класс үткәрде. Бөек Җиңүнең 76 еллыгына багышланган чарада «Игелек буыны» отрядының дүрт волонтеры катнашты.
Татарстан Республикасында Туган телләр һәм халыклар бердәмлеге елы кысаларында Бөгелмәнең «Ялкын» балалар һәм яшүсмерләр өчен социаль приютында «Минем туган ягым» дигән фестиваль узды.
Шушы көннәрдә Түбән Каманың «Веста» гаиләгә һәм балаларга социаль ярдәм үзәге белгечләре, янгын күзәтчелеге вәкилләре белән берлектә, «Ут белән шаярма!» дигән чара үткәрделәр. Анда социаль хезмәт алучы гаиләләр катнашты.
Кукмараның мөмкинлекләре чикле балалар һәм яшүсмерләр өчен «Шәфкать» тернәкләндерү үзәге психологы Дания Йосыпова үз эшендә «Бала тарафыннан җибәрелә торган интеракция» методикасын куллана. Консультациянең максаты – ата-аналарны үсештә артта калучы балалар белән нәтиҗәле хезмәттәшлек итү алымнарына өйрәтү.
Махсус Олимпиадага әзерлек һәм «Хәрәкәт активлыгы тренировкасы (МАТР)» программасы чараларын тормышка ашыру кысаларында Кукмара районы «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә спорт-күңел ачу чарасы узды. Ул инвалид балаларның барлык категорияләре өчен дә үтемле иде, чөнки үз эченә спорт өстәл уеннарын алды.