«Салават күпере» үзәгендә патриотик чара узды
Бөгелмәнең «Салават күпере» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы һәм психологы менталь тайпылышлары булган кешеләр өчен көндезге тору кабинетында Бөек Ватан сугышында Җиңүнең 76 еллыгына багышланган чара уздырдылар.
«Сугыш юллары буйлап» дәресендә балалар станцияләр буйлап сәяхәткә чыктылар һәм төрле биремнәр үтәделәр. Егетләр һәм кызлар «Батырлык юллары» дигән видеоролик карадылар, үзләренең бабаларының сугыш турындагы тарихлары белән уртаклаштылар. «Әдәби» станциясендә алар сугыш турында шигырьләр һәм әдәби әсәрләрдән өзекләр укыдылар, шул куркыныч вакыйгаларга багышланган танылган фильмнардан җырларны танып белделәр. Станцияләрнең берсе «Медсанбат» иде, анда балалар яраланган солдатка ярдәм күрсәтергә өйрәнделәр.
Һәр станция дәрестә катнашучыларда Ватан өчен һәлак булган сугыш геройлары турында якты истәлек уятты.