ЯҢАЛЫКЛАР

Халыкның шәхси һәм социаль характердагы проблемаларны хәл итүгә юнәлдерелгән психологик грамоталылыгын күтәрү, ышаныч телефоны турында мәгълүмат тарату максатыннан Менделеевск районы «Өмет яры» социаль хезмәт күрсәтү комплекслы үзәге белгече балигъ булмаганнар белән дәрес үткәрде. Чара 6 нчы социаль участокта узды.

Махсус Олимпиаданың 2022 елда узачак Бөтендөнья кышкы уеннарын үткәрүгә әзерлек кысаларында 8 нче июньдә Түбән Каманың «Веста» гаиләгә һәм балаларга социаль ярдәм үзәге белгече Ирина Кожевникова һәм «Рубаха» АКБО вәкилләре «Олимп» дигән чара уздырдылар. Аның максаты катнашучыларны адаптив өстәл уеннары белән таныштыру, спортның бу төрләре белән кызыксынуны арттыру иде.

Тукай муниципаль районының Татарстан бистәсендә балалар өчен мәктәп яны лагере эшли. 10 июнь көнне анда «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре булып кайтты.

2019 елдан Татарстан Республикасында «Демография» милли проектының «Өлкән буын» федераль проектын тормышка ашыру кысаларында өлкән яшьтәге гражданнарны һәм инвалидларны озак вакыт карау системасын булдыру буенча пилот проект гамәлгә ашырыла.

Россия көне алдыннан Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге карамагындагы балалар патриотик юнәлештәге чарада катнаштылар.

Лениногорск районында «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Лиана Габидулина «Террорчылык – җәмгыятькә янау» дигән темага очрашу үткәрде. Балигъ булмаган балалар катнашында чара 5 нче социаль җирлектә узды.

10 июнь көнне Зәй шәһәренең «Василек» балалар бакчасында эшсез гражданнарны һөнәри укыту башланды. Халыкны эш белән тәэмин итү үзәге юнәлеше буенча тыңлаучылар пешекчелек эшен үзләштерәчәкләр.

Кичә, 10 июнь көнне, республиканың Югары Ослан районында Социаль хезмәткәр көненә багышланган тантаналы чара узды. Социаль өлкә хезмәткәрләрен һөнәри бәйрәмнәре белән котларга район башкарма комитеты җитәкчесенең социаль-мәдәни мәсьәләләр буенча урынбасары Гөлия Камалетдинова килгән иде.

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күп санлы мөрәҗәгатенә җавап итеп хәбәр итә.

9 июнь көнне Теләче районында «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе психологы Г. Р. Зиннәтова Олы Мәтәскә авыл җирлегендә консультация көне үткәрде.