ЯҢАЛЫКЛАР
18 июнь көнне Буа дәүләт драма театрында социаль хезмәткәрләр өчен тантаналы чара узды. Социаль өлкә хезмәткәрләрен һөнәри бәйрәмнәре белән район башкарма комитеты җитәкчесе вазифаларын башкаручы Ленар Шакирҗанов, социаль яклау бүлеге җитәкчесе Ләйлә Камалова һәм җирле ветераннар (пенсионерлар) иҗтимагый оешмасы рәисе Җәүһәрия Хөснетдинова котладылар.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
19 июньдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Юлия Лесагина тәрбияләнүчеләр белән «Җавапсызлыктан җинаятькә бер адым» дигән дискуссия үткәрде.
Һөнәри юнәлеш бирү эшен оештыру кысаларында Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Мин һөнәр сайлыйм» дип исемләнгән журналистлар конкурсы узды. Чараның максаты – журналист эшчәнлеге һәм һөнәр вәкилләренең компетенцияләре белән танышу.
18 июнь көнне Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучыларның ТР Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлегенең әйдәп баручы белгече Лилия Камалова белән очрашуы булды. Чара экологик өлкәдә гражданлык активлыгын, кулланучылар хокукларын яклау өлкәсендә хокукый грамоталылык дәрәҗәсен күтәрүгә юнәлдерелгән иде.
Татарстан Республикасында «Наркотикларсыз тормыш» айлыгы дәвам итә. Айлык чаралары кысаларында Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Миләүшә Авзалова «Наркотиклар – упкынга юл» дигән акция үткәрде. Чара 10 нчы социаль участокта узды.
Лениногорск районында «Исток-Башлангыч» халыкка социаль хезмәт күрсәтү комплекслы үзәге социаль хезмәткәрләре, волонтерлар һәм социаль хезмәт алучылар белән берлектә, «Милли костюм колориты» дигән темага аралашу сәгате уздырдылар. Туган телләр һәм халыклар бердәмлеге елына багышланган чаралар Федоровка һәм Кузьминовка авылларында узды.
2021 ел Татарстанда Туган телләр һәм халыклар бердәмлеге елы дип игълан ителде. Шушы көннәрдә Казанның Авиатөзелеш районындагы гаиләгә һәм балаларга социаль ярдәм бүлекчәсе белгечләре үзәк балалар китапханәсе һәм «Бердәм Россия» партиясенең беренчел бүлекчәсе хезмәткәрләре белән берлектә балигъ булмаган социаль хезмәт алучылар өчен әдәби бәйрәм оештырдылар.
17 июнь көнне Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Анастасия Ильина «Әйдәгез аралашыйк» дип исемләнгән дәресләр циклы кысаларында төркемле профилактик дәрес үткәрде. Чараның максатлары балигъ булмаганнарны реаль тормышта аралашуга мотивацияләү һәм интернет-бәйлелекне профилактикалау иде.
18 июнь көнне Арча муниципаль районының «Мәрхәмәтлек үзәге» халыкка социаль хезмәт күрсәтү комплекслы үзәгендә социаль хезмәт алучылар өчен татар халкының традицион бәйрәме – Сабантуй оештырылды.