ЯҢАЛЫКЛАР
«Игелекле эшләр» Хәйрия фонды «Үзең эшләп тап» («Заработай сам») дигән яңа проект башлап җибәрде. Бу – яшүсмерләр өчен профессиональ пробалар сервисы, анда тәҗрибәле остазлар белән бергә балалар проектларны тормышка ашырып, моның өчен акча алачак.
21 июнь көнне Яр Чаллы шәһәренең «Изгелек» инвалидларны тернәкләндерү үзәгендә Сабантуй узды, анда мөмкинлекләре чикле 68 кеше катнашты. Чараны «Үз-үземә ышанам» проекты кысаларында «Спорт хәрәкәте» Татарстан Республикасы региональ иҗтимагый инвалидлар оешмасы оештырды.
Бүген Буа өлкәннәр һәм инвалидлар өчен интернат-йортында социаль хезмәтләр алучылар «Хәтер шәме» акциясенә кушылды. Алар Бөек Ватан сугышы вакытында һәлак булганнарга, тыл ветераннарына һәм сугыш чоры балаларына карата хөрмәт күрсәттеләр.
«Яшүсмер» ведомствоара профилактик операциясе кысаларында Теләче районы «Чишмә» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре ведомствоара учетта торучы гаиләләрнең торак урыннарын карап чыктылар. Күчмә чараларның максаты – балигъ булмаганнарның яшәү шартларын тикшерү.
Зәй муниципаль районында «Шатлык» халыкка социаль хезмәт күрсәтү комплекслы үзәгендә хезмәт алучылар наркотикларга каршы республика айлыгы кысаларында тематик чараларда һәм акцияләрдә актив катнашалар.
18 июнь көнне Татарстан Республикасы Хезмәт, халыкны эш белән тәэмин итү һәм социаль яклау министрлыгында социаль-хезмәт мөнәсәбәтләрен җайга салу буенча өчъяклы республика комиссиясе каршындагы халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Чара видеоконференция форматында узды.
Җәй көне балалар ялын сыйфатлы итеп оештыру аеруча мөһим. Балалар социаль тирәлекнең тискәре йогынтысына эләкмәсен өчен, Мамадыш районында «Кайгырту» халыкка социаль хезмәт күрсәтү комплекслы үзәге белгечләре «Без наркотикларга каршы» дигән акция уздырдылар. Яшь социаль хезмәт алучылар катнашында чара «Яшьлек» шәһәр скверында узды.
18 нче июнь көнне Яшел Үзән шәһәренең халыкны эш белән тәэмин итү үзәгендә үз эшләрен ачып җибәрергә теләүче эшсез гражданнарның бизнес-планнарын бәяләү буенча Эксперт советының чираттагы утырышы булып узды.
Балигъ булмаганнар арасында хокук бозуларны кисәтү максатыннан 21 июньдә Алексеевск районының «Кайгырту» балалар һәм яшүсмерләр өчен социаль приютында тәрбияләнүчеләр белән әңгәмә үткәрделәр. Чараны тәрбияче Марина Анисимова оештырды.
Махсус Олимпиаданың 2022 нче елда узачак Бөтендөнья кышкы уеннарын үткәрүгә әзерлек кысаларында 18 нче июньдә Казан шәһәренең Яңа Савин районы гаиләгә һәм балаларга социаль ярдәм бүлеге белгечләре «Җиңүгә таба алга!» дигән чара уздырдылар. Анда социаль хезмәтләр алучы мөмкинлекләре чикләнгән балигъ булмаган балалар катнашты.