ЯҢАЛЫКЛАР

Балтач муниципаль районында Өлкәннәр декадасы кысаларында 6 октябрь көнне Олы Лызи авылында өлкән кешене тәрбиягә алган гаиләдә булдылар.

ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.

Халыкара өлкәннәр көне кысаларында республиканың яшьләр иҗтимагый оешмалары һәм яшьләр сәясәте учреждениеләре тарафыннан өлкән буын кешеләре белән чаралар, акцияләр һәм очрашулар үткәрү планлаштырылган.

Балаларда толерантлык, кызыксыну һәм башка милли мәдәниятләргә карата хөрмәт хисләре тәрбияләү максатыннан Алексеевск районының «Кайгырту» балалар һәм яшүсмерләр өчен социаль приютында тәрбияче Марина Сәгыйдуллина мәктәп яшендәге балалар белән «Сәяхәт итеп уйныйбыз» дип исемләнгән уен дәресе үткәрде.

Буа өлкәннәр һәм инвалидлар өчен интернат-йорты карамагындагылар гадәти чүкеч һәм столяр кадаклар ярдәмендә стринг-арт техникасында гадәти булмаган картиналар ясыйлар.

6 октябрьдә Алексеевск районы «Кайгырту» балалар һәм яшүсмерләр өчен социаль приютында тәрбияче Венера Якупова мәктәп яшендәге 14 бала өчен «Профессиограмма» дигән теоретик дәрес үткәрде. Дәреснең максаты – тәрбияләнүчеләрне «профессиограмма» төшенчәсе һәм төрле һөнәрләр белән таныштыру.

Шушы көннәрдә Буа районы «Гармония» халыкка социаль хезмәт күрсәтү комплекслы үзәгенең өйгә килеп социаль хезмәт күрсәтү бүлеге белгечләре Халыкара өлкәннәр көненә багышланган спорт-сәламәтләндерү чарасы уздырганнар. Әлеге чара сәламәт яшәү рәвешен пропагандалауга, физик активлыкка һәм өлкән яшьтәге гражданнарның ялын оештыруга юнәлдерелгән.

Бүген Кайбыч муниципаль районында Апас һәм Кайбыч районнары буенча күзәтчелек эшчәнлегенең районара бүлеге башлыгы, эчке хезмәт подполковнигы Вәлиев Илдар Илгизәр улы Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы учреждениеләр хезмәткәрләре белән янгын куркынычсызлыгы буенча инструктаж үткәрде. Инструктажның максаты – янгын куркынычсызлыгы кагыйдәләрен белүне ныгыту.

Татарстан Республикасында Туган телләр һәм халыклар бердәмлеге елы кысаларында Арча районы «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә 5 нче октябрьдә «Туган телдә шигырьләр укыйбыз» дип исемләнгән әдәби сәгать узды. Чараны тәрбияче Ләйлә Нуриәхмәтова үткәрде.

6 нчы октябрьдә Минзәлә халыкка социаль хезмәт күрсәтү комплекслы үзәге белгечләре тарафыннан менталь тайпылышлары булган инвалидлар өчен «Син барын да булдырасың!» программасы кысаларында яшь кешеләр һәм аларның әти-әниләре өчен көзге урман буйлап йөрү оештырылды.