ЯҢАЛЫКЛАР

Татарстан Республикасы территориясендә эшчәнлек алып баручы эш бирүчеләргә методик ярдәм күрсәтү максатларында ТР Хезмәт, халыкны эш белән тәэмин итү һәм социаль яклау министрлыгы тарафыннан 2022 елга җитештерү (производство) календаре әзерләнде.

Зәй районында «Шатлык» халыкка социаль хезмәт күрсәтү комплекслы үзәге базасында көндезге тору бүлеге бу елның июнь аенда булдырылды. Гражданнарны системалы психологик күзәтү шунда ук башланды – барысы да тест уздылар, керү тестының нәтиҗәләре теркәлде.

Бүген Яр Чаллы шәһәренең «Изгелек» инвалидларны тернәкләндерү үзәге базасында көндезге бүлекчәдә социаль хезмәт алучылар өчен «Кар уеннары» дигән мастер-класс үткәрделәр. Чара тернәкләндерү үзәгенә килүчеләрнең хәрәкәт активлыгын арттыруга, сәламәт яшәү рәвешенә гадәт формалаштыруга юнәлдерелгән иде.

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.

Нурлат районында «Гармония» халыкка социаль хезмәт күрсәтү комплекслы үзәгендә көндезге төркемдә дәресләр циклы дәвам итә. Шушы көннәрдә белгечләр социаль хезмәт алучылар белән физкультура-сәламәтләндерү дәресе үткәрделәр. Чараның максаты булып психоэмоциональ халәтне яхшырту һәм гражданнарның потенциалын үстерү генә түгел, ә коммуникатив күнекмәләрне формалаштыру да торды.

Социаль хезмәтләр алучы өлкән яшьтәге гражданнар һәм инвалидларның йорт хуҗалыкларында янгын куркынычсызлыгын тәэмин итү буенча чараларны тормышка ашыру максатларында, декабрьдә Минзәлә районының халыкка социаль хезмәт күрсәтү комплекслы үзәге белгечләре гражданнар белән профилактик әңгәмәләр уздырдылар.

«Балачак иминлеге» Бөтенроссия акциясе кысаларында 17 декабрьдә Түбән Каманың «Веста» гаиләгә һәм балаларга социаль ярдәм үзәге белгече Гөлнара Гыйззәтуллина 10 нчы социаль участокта төркемле дәрес үткәрде. Чарада 12 балигъ булмаган бала катнашты.

Махсус Олимпиаданың Казанда узачак Бөтендөнья кышкы уеннарына әзерлек кысаларында Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге тәрбиячесе Инна Нурмиева спорт бәйрәме үткәрде.

Уку узу өчен гариза бирү, федераль операторлар һәм белем бирү оешмалары киселешендә төбәктәге белем бирү программалары исемлегеннән уку-укыту программасын сайлап алу «Россиядә эш» порталында (trudvsem.ru) гамәлгә ашырыла.

Өлкән яшьтә булу сәбәпле, шәхси секторда яшәүче күп кенә гражданнар кар көртләреннән мөстәкыйль рәвештә арына алмый, ә көчле кар явып киткәннән соң, алар өчен өйләреннән чыгу кыенлаша. Шушы уңайдан Буа районы «Гармония» халыкка социаль хезмәт күрсәтү комплекслы үзәге белгече «Кар десанты» дигән акция оештырды. Аның максаты – өйдә социаль хезмәт күрсәтү бүлекчәсендә торучы ялгыз яшәүче пенсионерларга кар көрәү эшләрендә ярдәм күрсәтү.