ЯҢАЛЫКЛАР

Балачак унъеллыгы чаралары планын үтәү максатыннан 2 октябрьдә Мамадыш районы «Кайгырту» комплекслы үзәгенең гаиләгә һәм балаларга социаль ярдәм бүлеге белгечләре «Минем елларым – минем байлыгым» дигән темага ситуацияләр уйнаттылар.

«Демография» милли проекты чаралары кысаларында Буа районында «Өлкән кешене тәрбиягә алган гаилә» проекты гамәлгә ашырыла. Проект өлкән яшьтәге кешеләрнең һәм инвалидларның тормыш сыйфатын яхшыртуга һәм гаиләдә мөмкин кадәр озаграк яшәү өчен шартлар тудыруга юнәлдерелгән.

3 октябрьдә Яр Чаллы шәһәренең «Изгелек» инвалидларны тернәкләндерү үзәгендә «Йөрәк мәңге яшь булсын» дигән бәйрәм чарасы узды. Чара Халыкара өлкәннәр көненә багышланды.

Россия Федерациясендә эшче көчләр санында өлкәннәр өлеше 28 % тәшкил итә, Татарстан Республикасында – 26,3 %. Бүген брифинг вакытында министр Эльмира Зарипова билгеләп үткәнчә, ел дәвамында Татарстан Республикасы мәшгульлек хезмәте органнарына пенсия алды һәм пенсия яшендәге 6 меңнән 8 меңгә кадәр граждан мөрәҗәгать итә.

Татарстандагы демографик хәл, тулаем илдәге кебек үк, өлкәннәр саны һәм аларның гомуми халык санында өлеше арту тенденциясе белән характерлана. Бүгенге көндә республикада эшкә яраклы яшьтән өлкәнрәк 967 мең кеше яши, бу халыкның гомуми санының 24,2 % тәшкил итә. Шул ук вакытта өлкәннәрнең күпчелеге авыл җирлегендә яши – 27,5 %, шәһәр җирлегендә – 23,2 %. Бүген ТР Министрлар Кабинетында узган брифингта министр Эльмира Зарипова шундый мәгълүмат китерде.

Кичә, 2 октябрьдә, Казанда «Безнең төбәк осталары» республика конкурс-фестивале җиңүчеләрен бүләкләделәр. Конкурсның максаты – Татарстан Республикасы өлкәннәр һәм инвалидлар өчен интернат-йортларында социаль хезмәтләр алучыларның иҗади активлыгын стимуллаштыру.

2 октябрьдә Казанда Өлкәннәр көненә багышланган «Актив дулкында» чарасы узды. Бу көнне өлкән яшьтәге гражданнар үзләрен иҗади мастер-классларда, бию флешмобында һәм башка активлыкларда сынап карый алдылар.

Югары Ослан муниципаль районының «Өмет утравы» халыкка социаль хезмәт күрсәтү комплекслы үзәгендә «Әбиләр һәм бабайлар көне» дигән акция уздырдылар. Белгечләр һәм социаль хезмәткәрләр балаларга һәм оныкларга бу көнне бергә үткәрүнең мөһимлеген искәрттеләр.

Әлмәт муниципаль районының «Опека» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге хезмәткәрләре мобилизацияләнгәннәрнең гаилә әгъзаларына ярдәм күрсәтәләр.

«Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге карамагындагы балалар Арчаның өлкәннәр һәм инвалидлар өчен интернат-йортында яшәүчеләрне бәйрәм белән котладылар, котлау шигырьләре укыдылар һәм үз куллары белән ясалган открыткалар тапшырдылар.