ЯҢАЛЫКЛАР
16 гыйнварда Әлмәт районының социаль яклау идарәсендә балигъ булмаган балалар тәрбияләүче гаиләләргә алимент түләтү мәсьәләләре буенча хокукый ярдәм күрсәтү көне узды.
Өлкән яшьтәге кешеләрнең актив озын гомерлелеге һәм сыйфатлы тормышы өчен шартлар тудыруга юнәлдерелгән «Өлкән буын» төбәк проекты кысаларында Югары Ослан районының «Өмет утравы» халыкка социаль хезмәт күрсәтү комплекслы үзәге социаль хезмәткәрләре социаль хезмәтләр алучылар белән сәламәтлекне ныгытуга юнәлдерелгән чаралар үткәрә.
«2014–2025 елларга Татарстан Республикасында җәмәгать тәртибен тәэмин итү һәм җинаятьчелеккә каршы тору» дәүләт программасын гамәлгә ашыру кысаларында 16 гыйнварда Биектау районының «Өмет» халыкка социаль хезмәт күрсәтү комплекслы үзәгенең психологы 1 нче социаль участокта «Яшүсмерләрдә Интернетка бәйлелектән ничек сакланырга» дигән тренинг үткәрде. Чарада 14 балигъ булмаган бала катнашты.
1 гыйнвардан «Татарстан Республикасында халыкка адреслы социаль ярдәм күрсәтү турында» 2004 елның 8 декабрендәге 63-ТРЗ номерлы Татарстан Республикасы Законының 4−8 статьяларында каралган түләүләр 1,04 процентка индексацияләнде.
Югары Ослан өлкәннәр һәм инвалидлар өчен интернат-йортында аз хәрәкәтләнүче социаль хезмәтләр алучылар белән дәресләргә зур игътибар бирелә. Моның өчен белгечләр төрле тренажерлар кулланалар.
Спас районы өлкәннәр һәм инвалидлар өчен интернат-йортында социаль хезмәтләр алучылар өчен Казан дәүләт мәдәният институты студентлары һәм укытучылары хәйрия концерты үткәрделәр.
15 гыйнварда Яр Чаллының «Ышаныч» халыкка социаль хезмәт күрсәтү комплекслы үзәгенең көндезге тору бүлеге карамагындагылар өчен балта эше осталыгына өйрәтү буенча чираттагы дәрес үткәрелде.
16 гыйнварда Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен «Тоз белән рәсем ясыйбыз» дигән мастер-класс үткәрделәр.
Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Светофор һәм юл билгеләре» дигән танып белү дәресе узды.
Кукмара районының «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә комплекслы тернәкләндерү буенча белгеч Фирүзә Яриева нейрогимнастика буенча дәрес үткәрде. Балаларга төрле күнегүләр тәкъдим ителде. Зарядка барышында шулай ук «СибБорд» балансировкасын кулландылар.