ЯҢАЛЫКЛАР
Гаилә – күпмилләтле дәүләтебезнең нигезе, ышанычлы тыл һәм кеше өчен таяныч. Бу хакта бүген Татарстан Республикасы Рәисе Рөстәм Миңнеханов Татарстан Республикасында Гаилә елын ачуга багышланган тантаналы кабул итүдә белдерде.
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Туган ил сулышын саклыйбыз» грант проектын тормышка ашыру кысаларында чуаш милли традицияләре белән танышу буенча чаралар циклы узды.
Иртәгә сәгать уннан уникегә кадәр Казан шәһәренең халыкны эш белән тәэмин итү үзәге махсус хәрби операциядә катнашучыларны һәм аларның гаилә әгъзаларын эшкә урнаштыру өчен вакансияләр ярминкәсе үткәрәчәк. Чара Гагарин урамы, 46 йорт адресы буенча узачак.
Буа өлкәннәр һәм инвалидлар өчен интернат-йортында социаль тернәкләндерү буенча белгеч Надежда Смирнова «Нейрогимнастика» технологиясен гамәлгә ашыру кысаларында чираттагы дәрес үткәрде.
2 февральдә Казанда С. Сәет-Галиев исемендәге мәдәният сараенда Ленинградның фашист блокадасыннан тулысынча азат ителүенең 80 еллыгына багышланган «Буйсынмаганнар. Тугыз йөз көн батырлык» театральләштерелгән тамашасы узачак. Чараны 25 ветеран һәм 400 укучы караячак.
Балигъ булмаганнар арасында сәламәт яшәү рәвешен пропагандалау кысаларында Биектау районының «Өмет» халыкка социаль хезмәт күрсәтү комплекслы үзәге социаль педагогы куркыныч төркеменә кергән балигъ булмаганнар өчен дәресләр циклы үткәрде. Чарада 39 бала катнашты.
23 гыйнварда Татарстан Республикасында Фәнни-технологик үсеш елы кысаларында Биектау районының «Өмет» халыкка социаль хезмәт күрсәтү комплекслы үзәгенең социаль педагоглары 3 нче социаль участокта «Яшь уйлап табучылар» дәресен үткәрделәр. Чарада балигъ булмаган социаль хезмәтләр алучылар катнашты.
Бүген Буаның өлкәннәр һәм инвалидлар өчен интернат-йортында социаль эш буенча белгеч Данира Гыйльфанова өлкән буын кешеләрен финанс грамоталылыгына өйрәтү буенча дәрес үткәрде.
«Россия» күргәзмәсендә, «Туганнарыбыз – Яратканнарыбыз» Бөтенроссия гаилә форумы кысаларында «Россия династияләре» масштаблы конкурс программасы тәмамланды. Конкурс биш тректан торды: «Гаилә талантлары тамашасы», «Ватан белгечләре», «Буыннар бәйләнеше» Белем.Уены», «Гаилә рецептлары», «Бар эшкә дә уңган».
Иртәгә, 24 гыйнварда, Татарстан башкаласында вакансияләр ярминкәләре узачак. Эш эзләүчеләр актуаль вакансияләр турында мәгълүмат, эшкә урнашу өчен юллама, шулай ук хезмәт һәм мәшгульлек, һөнәри белем һәм яңадан укыту мәсьәләләре буенча консультация ала алачак. Килүчеләр өчен барлык хезмәтләр дә бушлай.