Казанда вакансияләр ярминкәләре узачак
Иртәгә, 24 гыйнварда, Татарстан башкаласында вакансияләр ярминкәләре узачак. Эш эзләүчеләр актуаль вакансияләр турында мәгълүмат, эшкә урнашу өчен юллама, шулай ук хезмәт һәм мәшгульлек, һөнәри белем һәм яңадан укыту мәсьәләләре буенча консультация ала алачак. Килүчеләр өчен барлык хезмәтләр дә бушлай.
10:00 сәгатьтән 12:00 сәгатькә кадәр Казан шәһәре мәшгульлек үзәгенең Мәскәү һәм Киров районнары буенча идарәсе Гагарин урамы, 46 йорт адресы буенча вакансияләр мини-ярминкәсе үткәрәчәк. Элемтә өчен телефон: 8 (843) 564-38-32.
Казан шәһәре мәшгульлек үзәгенең Совет районы буенча идарәсе дә вакансияләр мини-ярминкәсенә чакыра. Чара 10:00 сәгатьтән 12:00 сәгатькә кадәр Р. Зорге урамы, 102 йорт адресы буенча узачак. Элемтә өчен телефон: 8 (843) 205-54-53.