ЯҢАЛЫКЛАР
Бу көннәрдә Яшел Үзән халыкны эш белән тәэмин итү үзәгендә Эш бирүче көне булып узган.
Республика күләмендә үткәрелүче "Мәктәпкә җыенырга ярдәм ит" акциясе кысаларында Түбән Каманың "Веста" гаиләгә һәм балаларга социаль ярдәм үзәге белгечләре "Сити-Молл" сәүдә үзәгендә бәйрәм чарасы уздырдылар. Бу көнне аз тәэмин ителгән, тулы булмаган һәм күп балалы гаиләләрдә тәрбияләнүче 30 балага өр-яңа мәктәп букчалары бүләк ителде.
Бүген ТР Хезмәт, халыкны эш белән тәэмин итү һәм социаль яклау министры эшлекле визит белән Питрәч районына барачак. Бу уңайдан Питрәчтә халыктан килгән сорауларга министр тарафыннан җаваплар бирү оештырылыр дип көтелә.
Бөгелмә егете Эдуард Ширазданов күптән түгел ХХII җәйге Сурдлимпия уеннары чемпионы булып танылды. Ишетмәүчеләр арасында Болгария башкаласы Софиядә узган иң дәрәҗәле бәйгедә Россиянең алты, Европаның бер тапкыр чемпионы грек-рим көрәшендә җиңү яулады. Эдуард Ширазданов 74 килограммга кадәр авырлыкта көрәшкән.
Кичә Казанның Идел буе районында урнашкан халыкны эш белән тәэмин итү үзәгендә вакантлы эш урыннары ярминкәсе булып узды. Бу чарага эш эзләүче яшьләр, аеруча уку йортларын тәмамлап, эш таба алмый интегүчеләр чакырылган иде.