ЯҢАЛЫКЛАР
Кичә Әтнә районында урнашкан "Изгелек" халыкны социаль тэмин итү комплекслы үзәгендә районның полиция бүлеге башлыгы урынбасары И.Баязитов катнашында түгәрәк өстәл булып узган. Биредә үзәк белгечләре, филиал һәм социаль яклау бүлеге хезмәткәрләре дә булган.
Бүген Кама Аланы бүлеге буенча эш белән тәэмин итү үзәгендә вакантлы эш урыннары ярминкәсе булып узган. Эшсез һәм яңа эш урыны эзләүче гражданнарга Алабуганың "Форд-Соллерс" ҖЧҖ вакансияләр тәкъдим иткән.
Бүген Минзәлә районы үзәгендә "Без - терроризмга каршы" дип исемләнгән акция булып узган. Аны Минзәлә халыкны социаль тәэмин итү комплекслы үзәге каршындагы "Волонтер" үзәге оештырган.
Бүген Әлмәтнең эш белән тәэмин итү үзәгендә Ижау шәһәренең "Развитие" ҖЧҖе белән берлектә эш бирүче көне булып узган. Әлеге предприятие вәкиле Мәскәү, Подольск, Калуга кебек шәһәрләрдә вахта ысулы белән эшләү хакында бәян иткән. Теләге булган һәркем анкеталар тутырган.
Татарстан Республикасы Хезмәт, халыкны эш белән тәэмин итү һәм социаль яклау министрлыгы “Уңыш формуласы-2013” конкурсында катнашу өчен сорау язулары кабул итүен дәвам итә. Бу конкурс массакүләм мәгълүмат чараларында эшче һәм инженер һөнәрләрен популярлаштыру темасын иң яхшы яктыртучы журналистларны билгеләүдән гыйбарәт.