ТР Хезмәт, халыкны эш белән тәэмин итү һәм социаль яклау министры урынбасары вазифаларын башкаручы мигрантларны иминиятләштерү сорауларына кагылышлы түгәрәк өстәлдә катнашты

2013 елның 12 сентябре, пәнҗешәмбе
Бүген “Комсомольская правда” газетасы редакциясендә “Мигрантларны иминиятләштерү өчен кем түләргә тиеш?” дигән темага түгәрәк өстәл булып узды.Бу чарада ТР Хезмәт, халыкны эш белән тәэмин итү һәм социаль яклау министрлыгыннан  вәкил буларак министр урынбасары вазифаларын башкаручы Елена Кибардина катнашты.
ТР Хезмәт, халыкны эш белән тәэмин итү һәм социаль яклау, Сәламәтлек саклау министрлыклары, иминиятләштерү компанияләре, ТР буенча Федераль миграция хезмәте идарәсе вәкилләре арасында булган әлеге очрашуның сәбәбе РФ Хезмәт һәм социаль яклау министрлыгы тарафыннан мөһим канун проекты әзерләнүдән гыйбарәт иде. Бу  канун исә мигрантлар һәм аларның эш бирүчеләрен ирекле рәвештә медицина иминиятләштерүе хакында килешү төзергә мәҗбүр итә. Әлеге канун проекты чит илдән килгән эшче көчләрнең медицина хезмәтләреннән  ирекле рәвештә файдалана алуын тәэмин итәр дип көтелә.
Түгәрәк өстәл кысаларында әңгәмәдәшләр мигрантлар медицина иминиятләштерүенә хәйран зур акчалар тотарга әзерме, гомумән, аларның моңа мөмкинлекләре бармы, дигән сорауга да җаваплар эзләделәр.
Билгеләп үтик, Русиядә бүгенге көндә  эш бирүчеләре белән хезмәт килешүе төземичә, вакытлыча эшләп торучы мигрантларга  мәҗбүри медицина иминиятләштерүе узарга кирәкми иде әле. Шуны да әйтик, полисның уртача бәһасе 3 мең сумнан алып 7 мең сумга кадәр тибрәлә.  
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International