Бүген Минзәлә районы үзәгендә "Без - терроризмга каршы" дип исемләнгән акция булып узган. Аны Минзәлә халыкны социаль тәэмин итү комплекслы үзәге каршындагы "Волонтер" үзәге оештырган.
Әлеге акциянең максаты - терроризмга каршы көрәш кебек дөньякүләм мөһим мәсьәләгә шәһәр халкын җәлеп итүдән гыйбарәт. Моның өчен волонтерлар "Без - терроризмга каршы!", "Без терроризмга ЮК дибез!" дип язылган плакатлар тотып урамнарга чыкканнар. " Балаларны саклагыз", "Терроризм - җәмгыять өчен куркыныч" дип исемләнгән буклетлар да таратканнар.