ЯҢАЛЫКЛАР

Иртәгә Республика  "Гаилә" гаиләгә һәм балаларга социаль ярдәм мәгълүмати-методик үзәгендә Балинт төркеменең  чираттагы гамәли семинары уздырыла. Бу юлы республиканың социаль тәэмин итү учреждениеләреннән килгән белгечләр - психолог һәм педагоглар балаларга карата миһербансыз мөнәсәбәт һәм көч куллану проблемасын кисәтү хакында фикер алышачаклар.

Бүген Менделеевскта урнашкан "Өмет яры" халыкны социаль тәэмин итү үзәге белгечләре район җирлегендә яшәүче  инвалидларның  туганнары янына барганнар.  Әлеге очрашуның максаты мөмкинлекләре чикле балаларын, туганнарын караучы кешеләргә психологик ярдәм күрсәтүдән гыйбарәт булган.

Бүген инвалидлар декадасы кысаларында Азнакай халыкны эш белән тәэмин итү үзәге белгечләре инвалид бала - Данис Хәбибуллинның өенә килеп, һөнәри юнәлеш бирүче чара уздырганнар.

Татарстан Республикасының  озак вакытка  исәпләнгән "Уңайлы мохит" максатчан программасы кысаларында Лаеш мөмкинлекләре чикле балалар һәм яшүсмерләр өчен тернәкләндерү үзәге социаль педагогы Ольга Гаврилова "Сурдоакоммуникация" программасы буенча "ТИСБИ" университетында белем алып кайткан.

Инвалидлар декадасы кысаларында Тәтеш халыкны социаль тәэмин итү үзәге белгечләре тарафыннан мөмкинлекләре чикле балалар тәрбияләүче ата-аналар белән очрашу узган. Әлеге чарада Тәтеш социаль яклау бүлеге белгече, район үзәк сырхауханәсенең педиатры, пенсия фонды башлыгы урынбасары, үзәк аптека җитәкчесе, район мәгариф бүлеге белгече дә катнашкан.

Кадерле дуслар!

Менә инде егерме елдан артык без 3 декабрьдә Халыкара инвалидлар көнен билгеләп үтәбез. Әлеге көн мөмкинлекләре чикле кешеләрнең тулы канлы җәмгыяви тормышын тәэмин итүгә,  хокукларының үтәлешенә, проблемаларына, яшәешенә  игътибар   юнәлдерергә ярдәм итә. 

Иртәгә Химиклар мәдәният сараенда Казан халыкны эш белән тәэмин итү үзәге белгечләре инвалидлар өчен вакантлы эш урыннары ярминкәсе уздырачаклар.
Ярминкәдә шәһәрнең 35 предприятиесе катнашачак.