ЯҢАЛЫКЛАР

Шушы көннәрдә Бөгелмәнең мөмкинлекләре чикле балалар һәм инвалидлар өчен тернәкләндерү үзәге 15 еллыгын билгеләп үткән.  Үзәктә тәрбияләнүчеләр һәм монда кайчандыр тернәкләндерү үткән яшьләр тарафыннан әзерләнгән концерт барлык кунаклар өчен зур бүләк булган. "Яңарышны" тәбрикләргә КНИТУ студентлары да килгәннәр.  Балалар бергә җырлаганнар, уйнаганнар.  Үзәк карамагындагы балалар  "Нәни йолдызлар" дигән бию башкарганнар.
Бәйрәм тантанасы чәй өстәле артында дәвам иткән.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясенең оператив мәгълүматына  караганда, 29 нчы ноябрьдән 6 нчы декабрьгә чаклы 1 авыр һәм 1 төркемле  бәхетсезлек очрагы теркәлгән.

Шушы көннәрдә Әлмәт эш белән тәэмин итү үзәгендә инвалидлар өчен вакантлы эш урыннары ярминкәсе узган. Чарада Әлмәт җирлегендә урнашкан 7 предприятие вәкилләре катнашкан. Алар арасында:    «Алнас» ААҖ, "Әлмәт торба заводы" ААҖ, "Апопат" ААҖ, "Промтранс А" ҖЧҖ, "Надежда" ҖЧҖләре бар.

Кичә Кама Аланында урнашкан "Чулман-су" мәдәни үзәгендә психоневрологик интернатларда тәрбияләнүчеләр арасында "Мәрхәмәтем белән бүлешәм" дип исемләнгән республика нәфис иҗат фестивале узган. Әлеге чарада Казан, Алабуга, Кама Аланы, Яңа Чуриле һәм Чистайда урнашкан интернатлар катнашкан. Шулай ук Башкортстан республикасының Бирса һәм Кызыл Кама интернатларыннан килүчеләр дә чыгыш ясаган.

Инвалидлар декадасы кысаларында Казан халыкны социаль тәэмин итү үзәгенең гаиләгә һәм балаларга социаль ярдәм бүлегендә мөмкинлекләр чикле балалар тәрбияләнүче гаиләләр катнашында берничә чара уздырылган.

Бу көнннәрдә Менделеевскида урнашкан "Кама таңнары" приюты белгечләре  өйләрендә белем алучы инвалидлар катнашында җырлы-биюле чара уздырганнар. Балалар бу көнне "Балачак" дип исемләнгән корабльдә "сәяхәткә чыкканнар".

Бу көннәрдә Химиклар исемендәге мәдәният сараенда инвалидлар өчен вакантлы эш урыннары ярминкәсе үткән.  Ярминкәгә килүчеләр эш бирүчеләр тарафыннан тәкъдим ителгән 16714 вакансия белән танышканнар, аларның 339на инвалидларны эшкә урнаштыру мөмкинлеге булган.

Лаеш мөмкинлекләре чикле балалар һәм яшүсмерләр өчен тернәкләндерү үзәгендә коляскаларда биергә өйрәтә башлаганнар. Әлеге яңа ысул   хәрәкәт-терәк аппараты авырулары булган балаларны тернәкләндерү өчен кирәк. Бу ысулны файдалана башлауның максаты - ММЧ һәм җәмгыять игътибарын коляскаларда гына йөрүче балаларга җәлеп итүдән гыйбарәт.