ЯҢАЛЫКЛАР

Кичә Лаеш мөмкинлекләре чикле балалар һәм яшүсмерләр өчен тернәкләндерү үзәгендә Самара өлкәсе тернәкләндерү үзәкләре белгечләре булып киткәннәр.  Очрашуны  Татарстан Республикасы Хезмәт, халыкны эш белән тәэмин итү һәм социаль яклау министрлыгының баш реабилитологы Вәлидә Исанова оештырган.

Наркоманияне кисәтү һәм сәламәт яшәү рәвеше булдыруга юнәлдерелгән "Акыл дәресләре" программасы кысаларында шушы көннәрдә "Тәтеш балкышы" комплекслы үзәге психологы  "Мин-акыллы кеше"  дигән дәресләр үткәргән.

Лаешның "Алтын көз" халыкны социаль тәэмин итү үзәгендә шәһәрнең җәмәгать  оешмалары вәкилләре - авыл җирлекләрендә ветеран оешмалары рәисләре белән түгәрәк өстәл булып узган. Әлеге чарага Лаеш үзәк сырхауханәсе, Пенсия фонды, халыкны социаль яклау бүлеге, 25 не номерлы Мадти ярдәм республика үзәге  филиалы белгечләре чакырылган.

Шушы көннәрдә Алабуга халыкны эш белән тәэмин итү үзәгендә 2013-2014 нче уку елында һөнәри юнәлеш бирүче чараларга йомгак ясау буенча очрашу булып узган.  Әлеге чарада  "Алабуга" АИЗ персонал белән идарә итү бүлеге, Алабуга эш белән тәэмин итү үзәге,  "Замана лидеры мәктәбе" һәм Алабуга мәктәпләре  укучылары активы катнашкан.

Бүген, 22 апрель көнне, "Мин булмасам, кем?!" дигән хәйрия фонды тарафыннан "Изгелек кыл" дип исемләнгән хәйрия концерты үткәрелә.

Иртәгә "Мин булмасам, кем?!" дигән хәйрия фонды тарафыннан "Изгелек кыл" дип исемләнгән хәйрия концерты үткәрелә. Әлеге чара  Дәрвишләр акылга зәгыйфь балалар өчен интернат-йортта тәрбияләнүче балаларга ярдәм итү максатыннан "Изгелек кыл" дигән проект кысаларында оештырыла.  Концерттан җыелган акчалар  әлеге учреждениедә яшәүче балаларга тотылачак.

24 нче апрельдә И.Х.Садыйков исемендәге яшьләр һәм балалар иҗаты сараенда 9-11 нче сыйныф укучылары өчен вакантлы эш һәм уку урыннары ярминкәсе уздырыла. Әлеге чарада Түбән Каманың 16  башлангыч, урта һәм югары уку учреждениеләре вәкилләре катнашачак.

Лаеш мөмкинлекләре чикле балалар һәм яшүсмерләр өчен тернәкләдерү үзәгендә "Гаилә эчендәге мөнәсәбәтләр" дигән темага түгәрәк өстәл үткәрелгән. Бу чара балаларга карата рәхимсез карашны, көч куллануны кисәтүгә юнәлдерелгән гомумрусия мәгълүмати кампаниясе кысаларында оештырылган.