Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Түбән Камада вакантлы эш һәм уку урыннары ярминкәсе узачак

2014 елның 21 апреле, дүшәмбе

24 нче апрельдә И.Х.Садыйков исемендәге яшьләр һәм балалар иҗаты сараенда 9-11 нче сыйныф укучылары өчен вакантлы эш һәм уку урыннары ярминкәсе уздырыла. Әлеге чарада Түбән Каманың 16 башлангыч, урта һәм югары уку учреждениеләре вәкилләре катнашачак.
Ярминкәгә килүчеләр һөнәри хирыслыкларын билгеләү максатыннан компьютерда тест уза алачаклар. Уку йортлары вәкииләре исә теләге булганнарны аларның уку йортына кабул итү вакыты, шартлары, белгечлекләр белән таныштырачаклар.
Ярминкә 14.30 сәгатьтә башлана.
25 нче апрельдә исә шундый ук ярминкә Кама Аланы шәһәр тибындагы бистәсендә уздырыла. Биредәге чара 1/28 эретеп ябыштыру-монтаж көллиятендә сәгать 13.00 дә үтәчәк.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Республикада хезмәт хакын вакытында түләүне тәэмин итү буенча эш дәвам итә

Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

ЯҢАЛЫКЛАРГА ЯЗЫЛУ